Qoǵam • 25 Maýsym, 2020

5,6 mıllıonnan astam qazaqstandyq Tótenshe jaǵdaı kezinde áleýmettik kómekke ıe boldy

46 ret kórsetildi

Koronavırýstyq ınfeksııanyń taralýyna baılanysty engizilgen Tótenshe jaǵdaı (budan ári - TJ) kezinde 4,6 mıllıon qazaqstandyq "42,5 myń teńge" áleýmettik tólem aldy, 1 mıllıonnan astam adam azyq-túlik toptamasymen qamtamasyz etildi. Bul týraly Prezıdent janyndaǵy Ortalyq kommýnıkasııalar qyzmetinde onlaın rejıminde ótken halyqqa esep berý kezdesýi barysynda Eńbek jáne halyqty áleýmettik qorǵaý mınıstri Birjan Nurymbetov habarlady, - dep jazady Egemen.kz.

Eńbekmıniniń basshysy óz sózinde Qazaqstanda 16 naýryzdan 10 mamyrǵa deıingi TJ rejımi kezinde memleket tarapynan buryn-sońdy bolmaǵan qoldaý sharalary qabyldanǵanyn atap ótti.

"Qysqa merzimde, birneshe kúnniń ishinde, Memlekettik áleýmettik saqtandyrý qorynan (budan ári – MÁSQ) Tótenshe jaǵdaıdyń engizilýine baılanysty tabysyn joǵaltqan adamdarǵa eń tómengi jalaqy mólsherinde múldem jańa tólem - 42 500 teńge engizildi. Bul tólem buǵan deıin jumys istep kelip, májbúrli túrde jumyssyz qalǵan azamattarǵa arnalǵan. Áleýmettik tólemge 8 mıllıon azamat ótinish berip, krıterıılerge sáıkes keletin 4,6 mıllıon adamǵa barlyǵy 321,9 mlrd teńgege kómek taǵaıyndaldy", - dedi Birjan Nurymbetov.

TJ rejımin engizý áleýmettik-eńbek salasyndaǵy memlekettik qyzmet kórsetý sapasyna keri áser etpeýi úshin 24 qyzmet jedel túrde egov.kz portalyndaǵy "Elektrondyq ótinishter" servısine ornalastyryldy.            

Memlekettik áleýmettik saqtandyrý qorynan jumysynan aıyrylý saldarynan (tıisti bos jumys orny bolmaǵan kezde) tólem jasaý prosesin jedeldetý maqsatynda jumyssyz mártebesin berý merzimi 14-ten kúnnen 3 jumys kúnine deıin qysqardy.           

"TJ kezinde 108,9 myń otbasyna ataýly áleýmettik kómek (budan ári – AÁK) avtomatty túrde taǵaıyndaldy. Sondaı-aq, osy kezeńde múgedektik jáne múgedektik boıynsha tólemder avtomatty túrde 3 aıǵa uzartyldy", - dep tolyqtyrdy Birjan Nurymbetov.

Sonymen qatar, muqtaj azamattarǵa arnalǵan azyq-túlik jıyntyǵynyń eń tómengi quramy bekitilip, ony berýdiń arnaıy tártibi jasaldy.

TJ kezinde 1 mıllıon 45 myń azamat:

- AÁK alýshylar qatarynan 6 jastan 18 jasqa deıingi 202,7 myń bala;

-109,6 myń tirkelgen jumyssyz;

- 648 myń múgedek bala, I, II jáne III toptaǵy múgedekter;

- múgedek balany tárbıelep otyrǵan 84,9 myń adam azyq-túlik jıyntyǵymen qamtamasyz etildi.

Sońǵy jańalyqtar

Uqsas jańalyqtar