Koronavırýs • 25 Maýsym, 2020

Almatyda qandaı pasıentter aýrýhanalarǵa jatqyzylady?

91 ret kórsetildi

Búgin Almaty qalasy óńirlik kommýnıkasııalar qyzmetiniń alańynda qalalyq Qoǵamdyq densaýlyq basqarmasynyń basshysy Kamaljan Nadyrov megapolıstegi epıdemıologııalyq jaǵdaı týraly jan-jaqty baıandady, - dep habarlaıdy Egemen.kz.

Epıdemııa bastalǵannan beri qalada jalpy 3 530 jaǵdaı tirkelse, 2 178 adam emdelip shyqty. Qaıtys bolǵandar sany – ­­ 23.

Osy arada jaǵdaıy aýyr jáne óte aýyr pasıentterdiń 80%-dan astamyn jasy 60-tan asqandar quraıtyndyǵyn atap ótken jón.

Sonymen qandaı pasıentter aýrýhanalarǵa jatqyzylady?

"Gospıtalızasııaǵa COVID-19 indeti rastalǵan, dene qyzýy 3 kúnnen beri 38,5°S bolsa, qannyń ottegimen qanyǵý 95 paıyzdy kurasa, sondaı-aq ókpede 25 paıyzdan astam ózgeristerdiń basym pnevmonııa belgileri bar (KT nátıjeleri bar) pasıentter alynady", – dedi Kamaljan Nadyrov.

Odan basqa, jasy 65-ten asqan sozylmaly aýrýlary bar naýqastar men gemodıalız em-dom sharalaryn qajet etetin ımmýn tapshylyǵy belgilengen naýqastar aýrýhanaǵa em qabyldaý úshin jatqyzylady.

Jataqhanada 65-ten joǵary adamdarmen nemese qaýip tobyna kiretindermen birge turyp, COVID-19 rastalǵan adamdar da aýrýhanaǵa jiberiledi.

Qazir qalada ambýlatorııalyq deńgeıde baqylaýda 2986 adam bar, onyń ishinde sımptomsyz túrde 2365 adam, bul 79%-dy quraıdy. 621-diń sımptomdary bar, bul 21%-dy quraıdy. Ambýlatorııalyq deńgeıde sımptomdary bar aýyrlyqtyń jeńil dárejesinde 555 adam – 89%, aýyrlyqtyń ortasha dárejesinde 66 adam nemese baqylaý júrgizilgen adamdardyń jalpy sanynyń 11%-yn qurady. Sozylmaly aýrýlary bar, táýekel tobyndaǵy 60 jastan asqan adamdarǵa erekshe kóńil bólinýde, qazirgi ýaqytta olardyń sany 94-ti qurap otyr.

Árbir emhanada bekitilgen reglamentke sáıkes pasıentterdi baqylaý, monıtorıng júrgizý jumystarymen aınalysatyn 72 mobıldik brıgadalar qurylǵan. Mobıldik toptyń quramyna – bólimshe meńgerýshileri, ınfeksıonıst dárigerler, epıdemıologtar, ýchaskelik dárigerler men meıirbıkeler kiredi. Barlyǵy 287 alǵashqy sanıtarly-medısınalyq kómek kórsetý qyzmetkeri jumyldyrylǵan. Jumys sapasyn arttyrý maqsatynda atalmysh brıgadalardyń sanyn arttyrý boıynsha jumystar júrgizip otyrmyz.

Maýsym aıynnan bastap emhana baqylaýynda 19 myńnan astam jaqyn baılanysta bolǵan adamdar bar.

"Bilýimizshe, KVI-diń qaýipti jáne jıi asqynýlarynyń biri – pnevmonııa. Jaǵdaıdy aýyrlyǵyn baǵalaý úshin ýaqtyly ókpeniń kompıýterli tomografııasyn júrgizý qajet. Osyǵan baılanysty, biz KT qyzmet kórsetýshileriniń tizimin jasadyq, emhanalar KT oryndaıtyn memlekettik jáne jeke menshik uıymdarmen sharttar jasasty. Qala boıynsha atalǵan qyzmet kórsetýshiler sany – 12. KT qyzmetin jetkizýshiler koronavırýstyq ınfeksııa dıagnozy rastalǵan pasıentterdi qabyldaý jumystarynyń bólek kestesin jáne aýrý belgileri uqsas pasıentterge arnalǵan jeke ýaqytty anyqtady. Osylaısha, biz KT kabınetteriniń ótkizý qabiletin taldap, juqtyrǵan pasıentterdiń aǵymdaǵy sany kezinde Almaty qalasy boıynsha halyqty KT qyzmetterimen qamtamasyz etýde problemalar bolmaýy tıis degen qorytyndyǵa keldik. Sondaı-aq, úsh aı ishinde KT apparatyn Qalalyq balalar qalalyq klınıkalyq juqpaly aýrýlar aýrýhanasy jáne medısınalyq jedel-járdem kórsetý aýrýhanasyna jetkizý kútilýde, bul osy zertteýge qol jetimdilikti arttyrady", – dedi qalalyq Densaýlyq saqtaý basqarmasynyń basshysy..

"Aıta ketetinim, dárigerdiń nusqaýynsyz radıasııalyq sáýlelenýdiń joǵary bolýyna baılanysty, KT zertteýden ótý qajet dep qarystyrylmaıdy.

Osy jerde jedel járdem qyzmeti týraly da aıtqym keledi. Qońyraý shalý sany búginde kúrt ósti. Eger mamyr aıynda shamamen 2500 qońyraý túsken bolsa, maýsym aıynda kúnine qońyraýlar sany 8000-ǵa jetedi.

Brıgadalardyń jumysy da aýyr bolyp keledi. Júkteme kúrt artty. Eger mamyrda brıgadanyń ortasha táýliktik júktemesi shamamen 9 qońyraý bolsa, maýsym aıynda ol eki esege ósti.

Qaladaǵy zerthanalyq dıagnostıka jaǵdaıyna kelsek, bizdiń zerthanalarymyzdyń birqatary túrli sebeptermen ýaqytsha isten shyqty. Osy aptada olar jumysqa qaıta qosylady. Sondaı-aq Bolat О́temuratovtyń qory syılaǵan mobıldik zerthana paıdalanýǵa beriledi", – deıdi Kamaljan Nadyrov.

"Bul zerthana 1000 synaqty ótkize alady jáne bolashaqta qýattylyqty kúnine 5000 synaqqa deıin arttyrýǵa múmkindigi bar.

Zerthanalardyń isten shyǵýy qoǵamda belgili bir rezonans týdyrǵany belgili. Biraq, pasıentterde test nátıjesiniń oń bolmaýyna qaramastan, koronavırýsqa uqsas klınıkalyq kórinis tapqan jaǵdaıda, biz dıagnostıkalaý men emdeýdiń jańa klınıkalyq hattamasyna sáıkes, testileý nátıjesin kútpesten emdeýdi bastaımyz. Bul emdeý prosesin baqylaýǵa jáne prosesti qaýipti asqynýlarǵa deıin órshitip almaýǵa múmkindik beredi. Bolashaqta osyndaı keleńsiz jaǵdaılardy boldyrmaý úshin jeke-menshik jetkizýshilerdi tartý arqyly aǵymdaǵy qýattardy arttyrý jáne jańa zerthanalardy ashý sııaqty máseleler sheshilip jatyr", – dedi Almatynyń Bas dárigeri.

 

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

COVID-19: Hattamaǵa ózgeris qajet pe?

Qazaqstan • Búgin, 09:25

Uqsas jańalyqtar