Aımaqtar • 25 Maýsym, 2020

Ekibastuzda aýyl turǵyndaryna taza aýyz sý berildi

16 ret kórsetildi

Temirjol aýyldyq okrýgi bólimshesine keshendi blok modýl ornatyldy, dep habarlaıdy pavlodarnews.kz.

Aýyz sý máselesin bólimshe turǵyndary 2019 jyldyń jeltoqsan aıynda qala ákimi Erjan Imanzaıpovtyń azamattardy kóshpeli qabyldaýynda kótergen. Sol kezde ákim uńǵymany qarap shyǵyp, aýyl turǵyndaryna 2020 jyldyń birinshi toqsanynda keshendi blok-modýl ornatylatynyna ýáde bergen. 

Osylaısha uńǵymanyń burynǵy ornyna merdiger uıym "Gýrın" JK quny 4 mln 300 myń teńge turatyn keshendi blok modýl ornatty.

Temirjol aýyldyq okrýginiń ákimi Erlan Qasenalınnyń aıtýynsha, buryn turǵyndar ortalyq Qulakól aýylynan sý tasymaldaǵan.

Uńǵymadan ishýge jaramsyz tehnıkalyq sý aqqan.

"Qazir sý taza, barlyq jabdyqtar jańadan ornatyldy. Tazalaý ýltrafıltrdi qoldanýdyń arqasynda sýdan zııandy zattar joıylady", - deıdi okrýg ákimi Erlan Qasenalın.

Aýyl turǵyny Rymkesh Musabekova alǵysyn bildirdi.

"Biz sýdy ortalyqtan tasýdan sharshadyq", - deıdi Rymkesh Musabekova. - Ásirese óz kóligi joq adamdarǵa qıyn bolatyn. О́te qýanyshtymyz jáne sýdyń sapasyna rızamyz. 

Qala basshylyǵynyń atynan aýyldyq blok-modýldiń ashylýymen quttyqtaǵan qala ákiminiń orynbasary Baýyrjan Ahmetov sýdyń sapasyna joǵary baǵa berdi.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar