"Qalada epıdemıologııalyq jaǵdaıdy eskere otyryp, birqatar sheshimder qabyldandy. Birinshiden, jedel medısınalyq kómek bazasynda baılanys ortalyǵy quryldy. Onda dereý taldaý jasalyp, keńes berý qyzmeti kórsetiledi. Bul kúnine shamamen 500 ótinim. Sondaı-aq qalalyq aýmaqtyq emhanalarda jaýapty tulǵalarmen baılanys ortalyǵy quryldy. Olar týraly aqparat ınternet-resýrstarda qoljetimdi. Qalamyzdaǵy iKOMEK aqparattyq ortalyǵynda medısınalyq uıymdardyń ár basshysyna arnalǵan mobıldi qosymshalar bar. О́tinimder birden olardyń mobıldi qosymshalaryna túsedi", - dep túsindirdi qoǵamdyq densaýlyq saqtaý basqarmasynyń bastyǵy Sáýle Qısyqova. ⠀
Sáýle Qısyqova elordada ahýaldyq ortalyq qurylyp, onda qalanyń tósek-oryn qory KVI jáne naýqastar aǵymymen retteletinin atap ótti.
"Josparly ambýlatorııalyq-emhanaǵa barýdy ýaqytsha toqtatý esebinen bul kadrlyq resýrstar qosymsha jedel medısınalyq járdem brıgadalaryn qurýǵa baǵyttaldy. Jaqynda 32 brıgada quryldy. Búginde qalada 150 brıgada jumys jasaýda", - dedi ol.
