Qazaqstan • 25 Maýsym, 2020

2020 jyly áleýmettik tólem shyǵystary 20%-ǵa artty

16 ret kórsetildi

Zeınetaqy men járdemaqy tóleýge arnalǵan respýblıkalyq bıýdjettiń shyǵystary 2019 jylmen salystyrǵanda 2020 jyly 21% - ǵa ulǵaıdy. Bul týraly QR Prezıdenti janyndaǵy Ortalyq kommýnıkasııalar qyzmetinde onlaın rejımde ótken halyqqa esep berý kezdesýinde QR Eńbek jáne halyqty áleýmettik qorǵaý mınıstri Birjan Nurymbetov málim etti, - dep jazady Egemen.kz

О́z sózinde QR Eńbekmıniniń basshysy memleket halyqqa zeınetaqy men járdemaqy túrindegi áleýmettik tólemderdiń 39 túrine kepildik beretindigin atap ótti. Jumys isteıtin azamattar mindetti áleýmettik saqtandyrý júıesinen 5 áleýmettik táýekel boıynsha tólem alady.

2019 jyly áleýmettik tólemderge respýblıkalyq bıýdjetten 3,1 trln teńge bólindi. Zeınetaqy men járdemaqy jalpy 2,8 trln teńgeden astam somada 3,9 mln adamǵa (halyqtyń 21%) berildi, onyń ishinde: zeınetaqy tólemderi – 2,2 mln.astam zeınetker, kólemi – 2,3 trln. teńge; memlekettik járdemaqylar – shamamen 1,7 mln. adam, kólemi – 570,5 mlrd. teńge.

Mindetti áleýmettik saqtandyrý júıesinen 194,2 mlrd.teńge somasyna 825,2 myń adam tólem aldy.

"2020 jyly respýblıkalyq bıýdjette áleýmettik tólemderge 3,5 trln teńge qarastyrylǵan. Zeınetaqylar men járdemaqylardy jalpy 3,4 trln teńgeden astam somada 4 mln adamǵa berý kózdelgen, bul 2019 jylǵy uqsas shyǵystarmen salystyrǵanda 21%-ǵa kóp", – dep habarlady Birjan Nurymbetov.

Mınıstr sondaı-aq, 2020 jyly zeınetaqy men járdemaqy mólsheri eki ret kóterilgenin atap ótti.

Osylaısha, aǵymdaǵy jylǵy 1 qańtardan bastap yntymaqty zeınetaqylar 7%-ǵa, bazalyq zeınetaqylar 5%-ǵa ulǵaıdy. Ústimizdegi jylǵy 1 sáýirinen bastap zeınetaqynyń eki túri de taǵy 5%-ǵa arttyryldy. Nátıjesinde, yntymaqty zeınetaqy mólsheri jyldyq mánde 12% - ǵa, bazalyq zeınetaqy mólsheri-10% - ǵa ulǵaıdy.

Sondaı-aq, memlekettik áleýmettik járdemaqynyń mólsheri jyldyq mánde 10% - ǵa ulǵaıdy: 1 qańtardan bastap 5% - ǵa jáne 1 sáýirden bastap taǵy 5% - ǵa.

"Mindetti áleýmettik saqtandyrý týraly" Zańdy iske asyrý sheńberinde 2020 jylǵy 1 qańtardan bastap Memlekettik áleýmettik saqtandyrý qorynan tólenetin tólemder mólsheri: eńbek etý qabiletinen aırylǵan jaǵdaıda – 74,4 myń adam úshin 69%-ǵa, asyraýshysynan aırylǵan jaǵdaıda – 44,8 myń adam úshin 41%-ǵa, jumysynan aırylǵan jaǵdaıda – 2,5 myń adam úshin 44% - ǵa ulǵaıdy.

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar