Parlament • 25 Maýsym, 2020

M. Áshimbaev Senattyń ótken sessııadaǵy jumysyn qorytyndylady

12 ret kórsetildi

Senat Tóraǵasy Máýlen Áshimbaev Palatanyń ótken sessııadaǵy jumysyn qorytyndylady. Máýlen Áshimbaevtyń aıtýynsha, ótken sessııada Parlament el ıgiligine qyzmet etetin birqatar mańyzdy zańdar qabyldady. Bul týraly Egemen.kz Parlament Senatynyń baspasóz qyzmetine silteme jasaı otyryp habarlaıdy.

"Bul kezeń elimiz úshin ońaı bolǵan joq. Búkil álemmen birge biz de jańa syn-qaterlermen betpe-bet keldik. Osyndaı sátte Prezıdentimizdiń basshylyǵymen el ekonomıkasyn qalpyna keltirýge, halyqtyń ál-aýqatyn túzetýge baǵyttalǵan keshendi sharalar júzege asyrylýda. Sol bastamalardy jáne elimizdiń strategııalyq saıasatyn zańnamalyq turǵydan qamtamasyz etýge Qazaqstan Respýblıkasynyń Senaty da óziniń somdy úlesin qosty", – dep atap ótti Máýlen Áshimbaev.

Máýlen Áshimbaev Memleket basshysy alǵa qoıǵan mindetterdi iske asyrýdaǵy nátıjeli jumysy úshin depýtattarǵa alǵysyn bildirdi.

Senat otyrysynda Qazaqstan Respýblıkasy Prezıdentiniń usynymy boıynsha N.M.Rahmetýllına men A.S.Tókıev Joǵarǵy Sottyń sýdıasy qyzmetine saılandy. Jańadan saılanǵan sýdıalar ant berdi.

Oan bólek, Palata "Salyq jáne bıýdjetke tólenetin basqa da mindetti tólemder týraly" Qazaqstan Respýblıkasynyń Kodeksine (Salyq kodeksi) jáne "Salyq jáne bıýdjetke tólenetin basqa da mindetti tólemder týraly" Qazaqstan Respýblıkasynyń Kodeksin (Salyq kodeksi) qoldanysqa engizý týraly" Qazaqstan Respýblıkasynyń Zańyna ózgerister men tolyqtyrýlar engizý týraly" zańdy qabyldady. Bul zań budan bylaı ekonomıkalyq ósýdi qalpyna keltirýge yqpal etetin bolady. Túzetýler memlekettiń kásipkerlik sýbektilerine jáne halyqqa qoldaý kórsetýine múmkindik beredi, bul azamattardyń iskerlik belsendiligi men ál-aýqatyna oń áser etedi.

Senat depýtattary "Qazaqstan Respýblıkasynyń keıbir zańnamalyq aktilerine shetel valıýtasyndaǵy ıpotekalyq qaryzdar, kórsetiletin tólem qyzmetteri naryǵynyń sýbektilerin retteýdi jetildirý, jalpyǵa birdeı deklarasııalaý jáne ekonomıkalyq ósýdi qalpyna keltirý máseleleri boıynsha ózgerister men tolyqtyrýlar engizý týraly" zańdy da qabyldady. О́zgerister 2016 jylǵy 1 qańtarǵa deıin berilgen shetel valıýtasyndaǵy ıpotekalyq qaryzdardy konvertasııalaý jumystaryn aıaqtaýǵa múmkindik beredi. Sondaı-aq, bul qujat aqshany jylystatý qaýpin azaıtý, kapıtaldy elden shyǵarý jáne kóleńkeli ekonomıkaǵa qarsy is-qımyl maqsatynda tólem júıelerimen qosa banktik emes uıymdardyń qyzmetine qatysty máselelerdi tıimdi retteıdi.

Sessııanyń qorytyndy otyrysynda senatorlar "Qazaqstan Respýblıkasynyń keıbir zańnamalyq aktilerine aýdıtorlyq qyzmet máseleleri boıynsha ózgerister men tolyqtyrýlar engizý týraly" zańdy da qabyldady. Zań halyqaralyq tájirıbelerdi eskere otyryp osy saladaǵy zańnamany odan ári jetildirý, sapany baqylaý jáne aýdıtorlarǵa attestattaý júrgizý jónindegi ashyq talaptardy belgileý arqyly sapany arttyrý maqsatynda ázirlengen bolatyn.

Senatta "Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly" zań da bekitildi. Qujat birqatar eleýli ózgeristerdi, onyń ishinde "Dıplommen aýylǵa" baǵdarlamasyn qoldaný aıasyn keńinen taratýdy, konkýrstyq úderisterdi ońtaılandyrýdy kózdeıdi.

Depýtattar "Qazaqstan Respýblıkasynyń keıbir zańnamalyq aktilerine aýyldyq eldi mekenderde Internettiń qoljetimdiligin qamtamasyz etý máseleleri boıynsha ózgerister men tolyqtyrýlar engizý týraly" zańdy da maquldady. Qujat antenna-dińgek qurylystary nemese uıaly jáne spýtnıktik baılanys jabdyqtary úshin tirek salýǵa jer ýchaskelerin berýdiń ońaılatylǵan tártibin qarastyrady. Ol operatorlar qyzmetiniń tıimdiligin arttyrady jáne aýyldyq jerlerde jyldam ınternetti paıdalanýǵa múmkindik beredi.

Sonymen qatar, otyrysta Senat "Qazaqstan Respýblıkasynyń keıbir zańnamalyq aktilerine oıyn bıznesi máseleleri boıynsha ózgerister men tolyqtyrýlar engizý týraly" zańdy qabyldady. Bul zań boıynsha býkmekerlik keńseler men totalızatorlardyń qyzmetin baqylaý tetikteri jetildiriletin bolady.

Depýtattar búgin "Qazaqstan Respýblıkasynyń keıbir zańnamalyq aktilerine sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly" zań jobasyn birinshi oqylymda maquldady. Qujat sybaılas jemqorlyq kórinisteriniń aldyn alý boıynsha qosymsha sharalar engizýdi kózdeıdi.

Sońǵy jańalyqtar

Qashyqtan oqyp, til úıren!

Bilim • Búgin, 21:30

Atyraý oblysynda kólik jarylyp ketti

Aımaqtar • Búgin, 16:55

Aqtaýǵa reseıden 9 dáriger kómekke keldi

Koronavırýs • Búgin, 14:55

Álemdik ekonomıka úlken qaryzǵa batty

Ekonomıka • Búgin, 14:35

Atyraýda jazǵy dámhana órtendi

Aımaqtar • Búgin, 13:05

Atyraýda blok-posttar qoıylmaıtyn boldy

Aımaqtar • Búgin, 12:45

Qytaı elshiligi jalǵan aqparat taratqan

Koronavırýs • Búgin, 11:20

Araq aýrýdan aıyqtyrmaıdy

Koronavırýs • Keshe

Uqsas jańalyqtar