Rýhanııat • 25 Maýsym, 2020

"Astana Operanyń" tartýy – "Abaı"

11 ret kórsetildi

Elorda kúnine "Astana Opera" teatrynyń tamasha tartýy daıyn. О́nerli ujym 6 shildede teatrdyń resmı saıtynan jáne TengriTV-den ulttyq klassıka jaýhary – M.Áýezovtiń lıbrettosyna jazylǵan A.Jubanov pen L.Hamıdıdiń "Abaı" operasyn onlaın kórsetýdi josparlap otyr, - dep habarlaıdy Egemen.kz.

Basty partııany Qazaqstannyń eńbek sińirgen qaıratkeri, "Astana Opera" jetekshi solısi Talǵat Musabaev oryndaıdy. Ataqty barıtonnyń aıtýynsha, kórsetilim úshin "Abaı" operasy beker tańdalmaǵan.

"Bul spektakl "Astana Opera" repertýarynda aıtýly orynǵa ıe. Osynaý jaýhar týyndynyń qoıylymy úshin teatr QR Memlekettik syılyǵyn ıelengeni barshaǵa málim. Aty ańyzǵa aınalǵan operanyń tek bizdiń ǵana emes, sondaı-aq ózge de qazaqstandyq opera teatrlarynyń afıshasyna sán berip, kórkin qyzdyryp kele jatqandyǵy qýantady. Bıyl Abaı Qunanbaıulynyń 175 jyldyq mereıtoıyn atap ótýdemiz. Bas qala  kúninde dál osy spektakldiń kórsetilýi aıryqsha mándi dep oılaımyn. Barsha kórermenderimizge, sonyń ishinde teatrymyzdyń translıasııalaryn belsendi túrde baqylap otyratyn sheteldik tyńdarmandarymyzǵa bul spektaklde óte joǵary deńgeıde kórinis tapqan Qazaqstannyń mádenıeti men ónerin usynýǵa qýanyshtymyz", - dep oı bólisken ártis sózin ári qaraı jalǵady:  - Abaı partııasy – qazaq operalyq repertýardaǵy barıtonǵa arnap jazylǵan eń jarqyn ári kórnektisi. Qarapaıym emes osynaý róldi oryndaǵandy qatty unatamyn. Barsha qazaqstandyqtar sııaqty, men úshin de Abaı – uly oıshyl, aqyn, fılosof. Adam boıyndaǵy ıgi de asyl dúnıeniń barlyǵy osy qaharmannyń minezinen kórinis tapqan dep esepteımin. Partııany oryndaý ońaı emes, sebebi oryndaýshyǵa úlken jaýapkershilik artylǵan – osy beıneniń barlyq tereńdigin pash etý júktelgen. Mýzykalyq jaǵynan óte kúrdeli. Sebebi partııa lırıkalyq barıton úshin emes, óte "myqty" barıton daýysqa arnap jazylǵan. Ony minsiz oryndap shyǵý úshin, dramatýrgııa mýzykamen úılese shyǵýy tıis. Jas kele kemeldiktiń sheksiz ekenine kóziń jetip, sahnaǵa shyqqan saıyn erekshe reńkter tabasyń, óziń úshin tyń mán-maǵyna kórip, Abaıdyń mátinin basqasha oqyp shyǵasyń", – dedi solıst Talǵat Musabaev.

"Astana kúni – árdaıym otbasymyzben atap ótetin keremet mereke. Men munda 2007 jyly Elbasynyń Astana mádenıetin damytý úshin "Shyǵarmashyl jastardy tartý" baǵdarlamasy boıynsha qonys aýdardym. Shaqyrtý alǵanyma qýandym, sebebi shyn júrekten úlken istiń – elordada asqaq ónerdi damytýdyń bir bóligi bolǵym keldi. Bul qalamen elimizdiń jańa dáýiri tikeleı baılanysty. Sózsiz, búginde ol – mádenıet, saıasat, ekonomıka ortalyǵy. Nur-Sultan meniń týǵan qalama aınaldy, dál osy jerde balalarym dúnıege kelip, ósip-ónip jatyr. Bas qalamyzda óz-ózińdi damytýǵa barlyq múmkindikter bar jáne eń bastysy, bul jerde shyǵarmashylyqqa arnalǵan keńistik bar. Túrli konsert zaldary salynyp, teatrlar, akademııalar boı kóterýde... Qala turǵyndary men qonaqtaryn osynaý tamasha meırammen quttyqtaımyn. Halqymyzǵa tek qana baqyt, bıik belester, asqaq armandaryńyzdyń oryndalýyn, beıbitshilik pen kelisim tileımin. Qalamyzda burynǵydaı órkendep, budan da jaqsy ári kúshtirek bolýǵa múmkindik beretin úılesimdilik saltanat qura bersin", - degen izgi tilekpen ártis sózin aıaqtady.

Sońǵy jańalyqtar

Uqsas jańalyqtar