Aımaqtar • 25 Maýsym, 2020

Qusmurynda qabir tonaǵan erli-zaıypty ustaldy

1139 ret kórsetildi

Qusmurynda turatyn erli-zaıyptylar aýyl shetindegi eski qabirlerdiń qorshaýy men quıylǵan qulyptasyn qıratyp, ishindegi armatýrasyn metall qabyldaý oryndaryna ótkizýmen aınalysyp kelgen. Beıbit jatqan beıittiń shyrqyn buzyp, árýaqtardy qorlaǵan Sergeı men Irına jıyrmadan astam qabirdi qıratypty. Biraq qaskúnemder ózderine taǵylǵan aıypty tolyq moıyndap otyrǵan joq, - dep habarlaıdy Egemen.kz.

О́tken ǵasyrdyń 40-50 jyldary qoıylǵan qabir eskertkishin tonap jatqan erli-zaıypty Vovchenkolardy jergilikti turǵyndar ustap alypty. Qorymnyń bul buryshynda soǵys jyldary Qusmurynǵa jer aýdarylǵan sheshen halqynyń ókilderi qoıylǵan. Búginde olardyń urpaqtarynyń qaıda ekeni belgisiz. Qylmystyq iske jábirlenýshi taraptyń ókili retinde jergilikti kásipker Álı Gýchıev  qatysyp jatyr. "Meniń týystarymnyń da qabirin tonap ketipti. Qıraǵan qabirlerdiń ishinde ár túrli ult ókilderi bar. Biz aıyptalýshylarmen de sóılesip kórdik. Ekeýi de osy aýylda turady, jumys istemeıdi, ishkilikke salynǵan adamdar.  Sergeı sottalyp kelgen. Biz odan: "Qabir qıratyp jatqanda sál de bolsa uıattaryń mazalamady ma?" - dep suraǵanymyzda,  "Basynda eshteńe sezingen joqpyn, artynan uıatym oıana bastady. Al Irına únemi qýystanyp, uıalyp júrdi"  degen jaýap aldyq", - dedi kásipker. Erli-zaıyptylar nebary 6 qabirdi qıratqandaryn moıyndap otyr. Al qaskóılerdiń ústinen túsken shaǵym odan úsh ese kóp.   

Álı Gýchıev tonalǵan qabirlerdi óz qarjysyna qaıta qalpyna keltirmek. 

Al árýaqtardy qorlap, qabirge qol suqqan qaraqshylardy qatań jaza kútip tur. "Atalmysh oqıǵa boıynsha Áýlıekól aýdandyq polısııa bóliminde QR QK 314 babynyń 1 bólimi boıynsha tergeý jumystary bastaldy. Kúdiktilerdi aıyppul nemese  3 jylǵa deıin bas bostandyǵynan aıyrý jazasy kútip tur. Tergeý aıaqtalǵan soń, is prokýratýraǵa jiberiledi", - dedi   oblystyq polısııa departamentiniń baspasóz hatshysy Irına Bejenar.

 

Qostanaı oblysy

Áýlıekól aýdany

Qusmuryn aýyly

Sońǵy jańalyqtar

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

О́z tanysyn tonap ketken ury ustaldy

Aımaqtar • Búgin, 14:30

Ustazdardan zańsyz aqsha jınalmaý kerek

Aımaqtar • Búgin, 12:32

Muhtar Shahanov aýyryp jatyr

Qazaqstan • Búgin, 11:56

Gongkongta mektepter qaıta jabylady

Álem • Búgin, 11:10

Aqsaılyq aýrýhana úsh kólikti boldy

Aımaqtar • Búgin, 09:00

QHL ańyzdarynyń qatarynda

Hokkeı • Búgin, 07:56

«Abaı ánderi» asqaqtaıdy

Abaı • Búgin, 07:46

О́ńirlerdegi jaǵdaı baqylaýda

Úkimet • Búgin, 07:37

Bas aman, baýyr bútin bolǵaı

Pikir • Búgin, 07:30

Uqsas jańalyqtar