Aımaqtar • 25 Maýsym, 2020

Batys Qazaqstanda UBT-nyń alǵashqy nátıjeleri belgili boldy

169 ret kórsetildi

Batys Qazaqstan oblysynda bıylǵy Ulttyq biryńǵaı testileý bastalǵaly ótken úsh kún ishinde 1552 túlek synaq tapsyrdy. Ereje buzyp, synaqtan shettetilgender de bar, - dep habarlaıdy Egemen.kz.

Pandemııa kezine tap kelgendikten, bıylǵy UBT sanıtarlyq-epıdemııalyq normalardy qatań saqtaýmen erekshelendi. Onyń ishinde synaq tapsyrýshylardyń ara qashyqtyǵy da bar. Bul bir mezgilde test tapsyratyn túlek sany azaıyp, synaq merziminiń uzarýyna ákelip soqty. Sondyqtan da oblysta UBT 12 kúnge sozylmaq.

"Biz UBT ótetin oryndardyń qajetti tehnıkalyq jabdyqtarmen jáne sanıtarlyq qaýipsizdik quraldarymen qamtamasyz etilýin tekserip shyqtyq. Ázirge sanıtarlyq-epıdemııalyq talaptar buzylǵan joq", - deıdi Batys Qazaqstan oblystyq bilim salasyndaǵy sapany qamtamasyz etý departamentiniń basshysy Gúlnár Sársenǵalıeva.

Bıylǵy UBT synaǵynda baqylaý erekshe bolatyny, test tapsyrýshylardyń ruqsat etilmegen zattar men ádisterdi qoldanbaýy aldyn ala eskertilse de, ereje buzǵandar kezdesken. Osy úsh kún ishinde oblys boıynsha 13 testileýshi testke qatystyrylmaǵan. Al synaqqa qatysqan 9 túlektiń nátıjesi joıylǵan. «Bul balalar bıylǵy qańtar aıynda UBT synaǵyna qatysyp, sertıfıkat alsa, aqyly túrde eldegi joǵary oqý oryndaryna túse alady» dep habarlady departament.

Bıylǵy testileý 9 pýnktte ótip jatyr. Joǵaryda aıtylǵandaı, synaqqa qatysýshylardy táýelsiz sarapshylar qadaǵalaıdy. Olardyń quramyna arnaıy monıtorıngtik top músheleri, qoǵam qaıratkerleri, úkimettik emes uıym, sybaılas jemqorlyqqa qarsy qyzmet jáne "Adaldyq alańy" jobalyq keńse ókilderi kirgen. Synaq ótetin ár aýdıtorııa beınebaqylaý kameralarymen jabdyqtalǵan. Qatysýshylar metall izdegishten ótpes buryn erejelerdi ustaný týraly mindettemelermen tanysyp, tyıym salynǵan zattardyń joqtyǵy týraly qujatqa qol qoıady. Tyıym salynǵan zattardy qoldanýǵa jasalǵan kez kelgen áreket test nátıjelerin jaramsyz etedi, qatysýshy aýdıtorııadan shyǵarylady jáne osy jyly UBT-ny qaıta tapsyra almaıdy. Sondaı-aq bıylǵy 25 tamyzǵa deıin ár aýdıtorııadan alynǵan beınejazbany mamandar zerdeleıdi. Eger beınematerıaldardy taldaý kezinde erejelerdi buzý anyqtalsa, talapkerdiń test nátıjesi joıylýyna ákeledi. Eger sol kezde qatysýshyǵa grant taǵaıyndalǵan bolsa, ol grantynan aırylady.

"Osy erejeni barlyq ata-ana, test tapsyrýshylarǵa san márte eskertkenimizge qaramastan, 3 kún ishinde 13 túlek tyıym salynǵan zattardy alyp ótýge tyrysqany úshin testileýge jiberilmedi. Onyń jeteýi – Jánibek aýdanynan, altaýy – Qaztalov aýdanynan. Taǵy 9 túlek test tapsyrý barysynda UBT erejelerin buzǵany úshin test tapsyrý múmkindiginen aıyrylyp, jumystary joıyldy. Olar – Jánibek aýdanynan – 1 adam, Qaztalov aýdanynan – 5 túlek, Bórli men Syrym aýdandarynan – 1 adamnan, BQATÝ ortalyǵynda synaq tapsyrǵan 1 túlek", - deıdi Batys Qazaqstan oblystyq bilim basqarmasy basshysynyń mindetin atqarýshy Záýre Ǵumarova

Jergilikti sanıtar dárigerdiń qaýlysymen Batys Qazaqstan oblysynda 27-28 maýsym kúnderi kúsheıtilgen karantın talaptary engizilip, kólik qozǵalysyna shekteý qoıylǵan bolatyn. Biraq UBT tapsyrýshylar úshin arnaıy kólikter uıymdastyrylatyny belgili boldy.

 

Batys Qazaqstan

Sońǵy jańalyqtar

Atyraý oblysynda kólik jarylyp ketti

Aımaqtar • Búgin, 16:55

Qashyqtan oqyp, til úıren!

Bilim • Búgin, 16:25

Aqtaýǵa reseıden 9 dáriger kómekke keldi

Koronavırýs • Búgin, 14:55

Álemdik ekonomıka úlken qaryzǵa batty

Ekonomıka • Búgin, 14:35

Atyraýda jazǵy dámhana órtendi

Aımaqtar • Búgin, 13:05

Atyraýda blok-posttar qoıylmaıtyn boldy

Aımaqtar • Búgin, 12:45

Qytaı elshiligi jalǵan aqparat taratqan

Koronavırýs • Búgin, 11:20

Araq aýrýdan aıyqtyrmaıdy

Koronavırýs • Keshe

Uqsas jańalyqtar