Aımaqtar • 25 Maýsym, 2020

Aqtóbe qalasynda demalys kúnderi karantın sharalary kúsheıtiledi

119 ret kórsetildi

Qalada shekteý sharalary 26 maýsym saǵat 22.00-den 29 maýsym saǵat 00.00-ge deıin jáne ár demalys kúnderi: senbi jáne jeksenbi, keıin epıdemıologııalyq jaǵdaı turaqtanǵanǵa deıin engiziledi, - dep jazady Egemen.kz

Turǵyndar úshin jumys ornynan anyqtama nemese qyzmettik kýálik bolǵan jaǵdaıda turǵylyqty jerinen jumys ornyna deıin jáne keri qaraı jyljýdy qospaǵanda,
- qala boıynsha jaıaý jáne jeke avtokólikpen júrý shekteledi;
- turǵylyqty jerine tikeleı jaqyn ornalasqan dúkenderden, dárihanalardan dárilik taýarlardy, medısınalyq buıymdardy, azyq-túlik taýarlaryn satyp alý;
- shuǵyl jaǵdaılar boıynsha medısınalyq uıymdarǵa shyǵý;
- turǵylyqty jerine tikeleı jaqyn jerde úı janýarlaryn serýendetý.

65 jastan asqan adamdarǵa asa qajetsiz kóshege shyǵý shekteledi.

Qalada saýda ortalyqtarynda, bazarlarda, qoǵamdyq kólikte, azyq-túlik jáne azyq-túlik emes dúkenderde, qyzmet kórsetý salasyndaǵy obektilerde, kópshilik jınalatyn oryndarda, kóshelerde, saıabaqtarda, skverlerde, kóp páterli turǵyn úılerdiń kireberisterinde aýqymdy dezınfeksııa júrgiziledi.

26 maýsymnan bastap 29 maýsymǵa deıin menshik nysanyna qaramastan obektilerdiń qyzmeti toqtatylady.

Qoǵamdyq oryndardyń - saıabaqtardyń, skverlerdiń, jaǵalaýlardyń, oıyn alańdarynyń jáne ózge de demalys oryndarynyń, qarjy naryǵy sýbektileriniń valıýta aıyrbastaýǵa quqyǵy bar uıymdardyń qyzmetterimen jumys isteýi toqtatylady.

Kóp qabatty turǵyn úılerdiń janynda, jeke sektorda birinshi qajetti taýarlardy satatyn azyq-túlik dúkenderi saǵat 10.00-den 20.00-ge deıin jumys isteıdi.

25 jáne 26 maýsymda birinshi qajettilik taýarlaryn jáne dári-dármekterdi birneshe kúnge satyp alý usynylady.

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar