Qoǵam • 25 Maýsym, 2020

Qyzmetkerler óz esebinen PTR-testten ótýge mindetti emes - mınıstr

55 ret kórsetildi

Qyzmetkerlerdiń óz qarajaty esebinen medısınalyq tekserýden ótý Eńbek zańnamasynda qarastyrylmaǵan. Bul týraly mınıstr Birjan Nurymbetov halyqqa esep berý kezdesýinde aıtty, - dep habarlaıdy Egemen.kz.

"Koronavırýs ınfeksııasyna baılanysty jaǵdaı nasharlap ketti. Sondyqtan, birneshe usynysym bar. Keńse qyzmetkerlerin barynsha úıden jumys isteýge aýystyrý kerek. Eńbek kodeksi buǵan ruqsat bergen jáne tótenshe jaǵdaı kezindegi tájirıbeni eskerip, keńsede otyryp jumys isteıtin adamdar 100% oqshaýlanǵany durys. Al, qashyqtan jumys isteý múmkin emes kásiporyndar men uıymdar qaýipsizdik sharalaryn kúsheıtpese bolmaıdy. Qyzmetkerlerdiń dene qyzýyn únemi baqylaýda ustap, olardyń arasyndaǵy araqashyqtyqty saqtaýy kerek, dezınfeksııany da umytpaǵan jón", - deıdi Nurymbetov.

Sondaı-aq mınıstr jumys berýshi koronavırýs ınfeksııasyn anyqtaıtyn PTR-test talap etýge quqyly ma degen suraqqa jaýap berdi.

"Jumys berýshi test nátıjesin talap etip jatyr dep kóp estımin. Biraq, qazir testtiń bári aqyly. Sondyqtan, máselege durystap qarasaq, eńbek qatynastaryn retteıtin zańnamaǵa sáıkes, jumysshy óz qarajaty esebinen medısınalyq tekserýden ótýge mindetti emes. О́ndiriske qajetti mindetti medısınalyq tekserýler bar, ony jumys berýshi óz esebinen uıymdastyrýy kerek. Eńbek kodeksine sáıkes, jumysshyǵa tónetin táýekelderdiń aldyn alý – jumys berýshiniń mindetinde", - dedi Nurymbetov.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar