Qazaqstan • 25 Maýsym, 2020

Eljan Birtanov Densaýlyq saqtaý mınıstri qyzmetinen bosatyldy

1145 ret kórsetildi

Memleket basshysynyń Jarlyǵymen Eljan Birtanov Densaýlyq saqtaý mınıstri qyzmetinen bosatyldy. Bul týraly Aqordanyń baspasóz qyzmeti habarlady.

Memleket basshysynyń Jarlyǵymen Eljan Amantaıuly Birtanov Qazaqstan Respýblıkasynyń Densaýlyq saqtaý mınıstri qyzmetinen bosatyldy.

Eljan Amantaıuly Birtanov 1971 jylǵy 18 qazanda Jambyl qalasynda dúnıege keldi. Almaty memlekettik medısına ýnıversıtetin, Arızona shtatynyń ýnıversıtetin, Reseıde dıplomnan keıingi medısınalyq bilim akademııasyn, Sharıte Ýnıversıtettik klınıkasyn (Germanııa), Turan ýnıversıtetin, Duke University, Fugua School of Business (AQSh), Global Executive MVA magıstratýrasyn bitirdi.

Almaty qalasynda jedel medısınalyq kómek aýrýhanasynyń reanımatolog-dárigeri, Respýblıkalyq toksıkologııa ortalyǵynyń basshysy, Densaýlyq saqtaý mınıstrliginiń bas toksıkology, Densaýlyq saqtaý mınıstrliginiń "Densaýlyq saqtaýdy damytý ınstıtýty" RMK dırektory, Premer-Mınıstriniń keńesshisi, "Ulttyq medısınalyq holdıng" AQ Basqarma tóraǵasynyń orynbasary, Densaýlyq saqtaý vıse-mınıstri, "Ulttyq medısınalyq holdıng" AQ Basqarma tóraǵasy bolyp jumys istedi.

2014 jylǵy mamyrdan bastap - Memlekettik-jekemenshi áriptestik jobalaryn súıemeldeý ortalyǵy basqarmasynyń tóraǵasy boldy. 2015 jylǵy 12 qarashadan bastap – Densaýlyq saqtaý jáne áleýmettik damý vıse-mınıstri boldy. 2017 jylǵy 25 qańtardan bastap Qazaqstan Respýblıkasynyń Densaýlyq saqtaý mınıstri qyzmetin atqardy.

Qazaqstan Respýblıkasynyń densaýlyq saqtaý isiniń úzdigi. Medısına ǵylymynyń doktory.

Sońǵy jańalyqtar

Uqsas jańalyqtar