Aımaqtar • 25 Maýsym, 2020

О́mirzaq Shókeev: Qurylys jumystary báseńdemeýi tıis

64 ret kórsetildi

Túrkistan oblysynyń ákimi О́mirzaq Shókeev jumys saparymen Maqtaaral aýdanynda bolyp, sý tasqynynan zardap shekken О́rgebas eldi mekenin qalpyna keltirý jumystarymen tanysty, - dep habarlaıdy Egemen.kz.

Búgingi tańda munda 209 úıdiń 184-iniń ıelerimen kelisimshart túzilip, 184 otbasyna 8,5 mln teńge qarjy aýdarylǵan. Jalpy búgingi tańda buzylǵan úı sany 145-ke jetip otyr. Ol úılerdiń aýmaǵy tazartylyp, irgetasyn quıý jumystaryna daıyndalǵan. Al, 50 úıdi buzbaýǵa turǵyndardyń ózderi ótinish bildirgen, 122 úıdiń irgetasy quıylyp, 31 baspananyń qabyrǵalary qalanýda, 20-synyń shatyry jabylǵan. Sondaı-aq 20 úıdiń qabyrǵasy órilip, birinshi jappasyn jabý jumystary júrgizilýde. Oblys ákimi úı qurylysyn jyldamdatý men  aýlalardy qoqystan tazartý, jol jóndeý jumystaryn jedeldetýdi tapsyrdy.  О́rgebas aýylyna Jetisaı aýdany jaýapty bop bekitilgen bolatyn. Qazir  mundaǵy jumystarǵa 613 qurylysshy tartylǵan.

Sondaı-aq oblys ákimi Fırdoýsı aýylynda boldy. Qazirgi tańda Fırdoýsıdaǵy 340 úıdiń 277 baspana ıelerimen kelisimshart jasalyp, bárine derlik 8,5 mln teńgeden aýdarylǵan.  Munda búginde 133 úıdiń irgetasy quıylyp, 17 úıdiń qabyrǵasy qalanýda, 1 úıdiń shatyry jabylýda. Al Myrzakent kentindegi jańa móltek aýdanda búginde Jeńis, Jańaturmys, Dostyq eldi meken turǵyndarynyń kelisimi boıynsha 386 jeke turǵyn úıdiń qurylysy júrgizilýde. Onyń ishinde 196 turǵyn úı memlekettik bıýdjet esebinen, qalǵan 190 turǵyn úı ("B.О́temuratov", "Salıqaly urpaq", "Biz Birgemiz") qorynan salynýda. Munda búginde  274 úıdiń qabyrǵasy qalanyp, 65 úıdiń shatyryn jabý jumystary jalǵasýda jáne 55 úıdiń ishki - syrtqy árleý jumystary júrgizilýde. Birinshi shildege deıin 100 úıdiń shatyryn jabý josparlanyp otyr. «Sý basqan 5 eldi mekendegi tótenshe jaǵdaı saldaryn joıý, jańa móltek aýdan men eki aýyldaǵy úı salý jumystaryn bir sátke de báseńdetýge bolmaıdy. Eń bastysy – qurylystyń sapasyna mán berýimiz qajet. Tamyz aıynyń alǵashqy kúninde jańa móltek aýdandaǵy úılerdiń báriniń derlik shatyrlary jabylyp bitýi tıis», dedi О́mirzaq Estaıuly.

Sapar sońynda óńir basshysy oblystyq shtabta májilis ótkizip, jaýapty basshylarǵa úı qurylysy, bir rettik ótemaqy, aýyl sharýashylyǵy shyǵyndaryn óteý, Fırdoýsı, О́rgebas aýyldaryndaǵy tótenshe jaǵdaı saldaryn joıý jumystary týraly kúndelikti málimet berip otyrýdy tapsyrdy.

Sońǵy jańalyqtar

Mobıldik toptar jumysy júıeli

Aımaqtar • Búgin, 15:27

Qaıyrymdylyǵyńnyń saýabyn bersin...

Aımaqtar • Búgin, 14:23

UBT-da 126 ball jınaǵan túlek

Aımaqtar • Búgin, 13:59

Júıeli jumystar qolǵa alynýy kerek

Parlament • Búgin, 13:45

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar