Úkimet • 25 Maýsym, 2020

Asqar Mamın Sıfrlandyrýdy engizý máseleleri jónindegi komıssııa otyrysyn ótkizdi

12 ret kórsetildi

Premer-Mınıstr Asqar Mamın Prezıdent janyndaǵy Sıfrlandyrýdy engizý máseleleri jónindegi komıssııa otyrysyn ótkizdi, - dep habarlady primeminister.kz.

«Sıfrlyq Qazaqstan» baǵdarlamasyn iske asyrý boıynsha atqarylyp jatqan jumystar týraly sıfrlyq damý, ınnovasııalar jáne aeroǵarysh ónerkásibi mınıstri A. Jumaǵalıev, «Indýstrııa 4.0» elementterin jáne «Modeldik sıfrlyq fabrıkalar» jobasyn damytý týraly ındýstrııa jáne ınfraqurylymdyq damý mınıstri B. Atamqulov, munaı-gaz jáne ýran salalaryn sıfrlandyrý týraly energetıka mınıstri N. Noǵaev, memlekettik organdar jumysyndaǵy qaǵazdaǵy qujat aınalymyn shekteý týraly mádenıet jáne sport mınıstri A. Raıymqulova baıandady.

2018-2019 jj. «Sıfrlyq Qazaqstan» memlekettik baǵdarlamasyn júzege asyrýdyń jalpy ekonomıkalyq tıimdiligi 802,5 mlrd teńgeni qurady, negizinen elektrondyq kommersııanyń jáne onymen aralas salalardyń belsendi damýynyń arqasynda 120 myń jumys orny quryldy. «Sıfrlyq Qazaqstan» aıasynda 58 zań men 11 kodekstiń 700 normasyna ózgerister men túzetýler engizildi.

BUU reıtınginde Qazaqstan elektrondyq úkimetti damytý boıynsha 39-oryndy, «onlaın qyzmet kórsetý» ındıkatory boıynsha 26-oryndy, kıberqaýipsizdik deńgeıi boıynsha 40-oryndy ıelendi. Qazaqstan ınternetke qoljetimdilik boıynsha álemdegi kóshbasshylardyń biri — QR-da 1 Gb quny $0,49, halyqty qamtý – 84,2% quraıdy, al mysaly, Ýkraınada atalǵan kórsetkishter – $0,51/62,5%, Qytaıda – $9,89/61,2%, AQSh-ta – $12,37/87,3%. Qazaqstan halqynyń sıfrlyq saýattylyq deńgeıi 82,1%-ǵa jetti. Elimizde memlekettik qyzmetterdiń 83,7%-y onlaın-rejımde kórsetiledi, 7 myńǵa jýyq AT-kompanııa tirkelgen.

Kásiporyndarda «modeldi sıfrlyq fabrıkalardy» ashý jumystary júrgizilýde, bul eńbek ónimdiligin 25%-ǵa, resýrs tıimdiligin 18%-ǵa, jabdyqtyń qyzmet etý merzimin 5%-ǵa arttyrýǵa, óndiristik shyǵyndardy 20%-ǵa, eńbek shyǵyndaryn 30%-ǵa, energııa shyǵyndaryn 35%-ǵa tómendetýge múmkindik beredi. Mysaly, osyndaı sıfrlyq fabrıkalar «Kentaý transformator zaýyty» AQ, «Eurasian Foods» AQ, «Almaty jeldetkishter zaýyty» JShS, «Hımfarm» AQ, «Karlskrona» JShS, «Altynalmas» AQ jáne «Bal Tekstıl» JShS-de ashyldy.

«Sıfrlyq Qazaqstan» memlekettik baǵdarlamasyn odan ári ózekti etý aıasynda ártúrli salalarda 10 tehnologııalyq platformany engizý josparlanǵan, atap aıtsaq: Govtech, Smart city, Industry 4.0, Agritech, Blockchain, Space-Geotech, AI (jasandy zerde), E-Industry, Fintech, Greentech. Olar daıyn tehnıkalyq ınfraqurylymdy, ashyq derekterdiń úlken massıvterin, sondaı-aq otandyq AT-kompanııalar men startaptar úshin ázirleý jáne taldaý júıelerin shoǵyrlandyrady.

Otyrysqa qatysýshylar robottardy, úlken derekterdi jáne jasandy zerdeni qoldana otyryp, óndiris prosesterin avtomattandyrýǵa baǵyttalǵan «Indýstrııa 4.0» tehnologııalyq platformasyn damytý máselesine erekshe kóńil bóldi.

Platforma qarjylyq, aqparattyq servısterdi, saýda alańdaryn jáne tehnologııalar transferti júıelerin, birinshi kezekte taý-ken metallýrgııalyq jáne otyn-energetıka keshenderi, óńdeý ónerkásibi kásiporyndary úshin biriktiredi. Ony qurý aıasynda Smart Industry Management taldamalyq bazasyn engizý, salanyń iri kásiporyndarymen korporatıvtik ınnovasııalar júıesin damytý jáne basqa da sharalar qabyldaý josparlanǵan.

Úkimet basshysy Indýstrııa jáne ınfraqurylymdyq damý mınıstrligine bir aı merzimde Indýstrııa 4.0 elementterin damytý jáne «Modeldi sıfrlyq fabrıkalar» jobasyn keńeıtý boıynsha retteýshi jáne yntalandyrýshy sharalar kesheni boıynsha is-sharalar josparyn ázirleýdi tapsyrdy.

Energetıka mınıstrligine osy jyldyń sońyna deıin kómirsýtegi shıkizaty boıynsha jer qoınaýyn paıdalaný quqyǵyn berýge aýksıondar ótkizý júıesin iske qosýdy qamtamasyz etý, keıinnen prosestiń barlyq kezeńderinde qaǵaz formatyn shekteý, sondaı-aq shıki munaı men gaz kondensatyn esepke alýdyń aqparattyq júıesin engizýdi jedeldetý tapsyryldy.

Sońǵy jańalyqtar

Uqsas jańalyqtar