Aımaqtar • 25 Maýsym, 2020

Aqmola oblysynda maýsym bastalǵaly jıyrmadan astam orman órti bolǵan

12 ret kórsetildi

Oblysta órt qaýpi mol maýsym bastalǵaly jıyrmadan astam orman órti oryn aldy. Jasyl jelektiń qanshalyqty qymbat qazyna ekendigin aıtyp jatýdyń ózi artyq. Endigi arada osy jaıǵa aıryqsha nazar aýdarý qajet bolyp tur, - dep habarlaıdy Egemen.kz.

Bıyl kóktem ylǵaldy bolǵanymen, jaz bastalǵaly jaýyn jaýǵan joq. Qazir dala qýrap tur. Jazataıym jalǵyz shyrpy tıse, sońy qaýlaǵan órtke aınalmaq.

Maýsym bastalǵaly 23 orman órti bolyp, 41,79 gektar orman alqabyn jalmap ketti. Qýraǵan óliqaýdyń qyzyl jalynǵa oranýynyń 33 oqıǵasy oryn aldy. 374,23 gektar jerdi tilsiz jaý kúıdirip tastady. Sóz arasynda oblystaǵy ormandy alqaptyń aýmaǵy bir mıllıon gektarǵa taıaý ekendigin aıta ketken lázim. Osynsha jerdi qorǵaý da ońaı-ospaq sharýa emes. Demek, árbir sanaly turǵyn týǵan tabıǵatyna zalal keltirmeý jaǵyn oılaý kerek.

Tótenshe jaǵdaılar departamenti basshysynyń mindetin atqarýshy Manarbek Shapaǵatovtyń aıtýynsha, tabıǵat aıasyna shyqqan demalýshylar jalpyǵa birdeı tártipti oryndaı bermeıdi. О́z is-áreketterine jaýapsyz qaraǵan 14 adamǵa eskertý berilse, onyń 14-ine 200 myń teńge kóleminde aıyppul salynǵan eken.

Aqkól, Zerendi, Býrabaı aýdandarynda órtten qorǵaýǵa jumyldyrylatyn úsh avıa top jasaqtalǵan. О́rtten qorǵaýshylar kúni-túni kúzette tur. Degenmen, adamdardyń da abaı bolǵany jón.   

 

Sońǵy jańalyqtar

Uqsas jańalyqtar