Aımaqtar • 26 Maýsym, 2020

Depýtat qıratqan úıdi kim qalpyna keltiredi?

922 ret kórsetildi

Qostanaı oblysyndaǵy Áýlıekól aýdanyna qarasty Dıev eldi mekeninde aýdandyq máslıhattyń depýtaty aýyl shetinde turǵan úıdi eshbir quzyrly organnyń ruqsatynsyz qıratyp tastady.

– Bul marqum apa-jez­dem­niń úıi edi. Jezdem qaıtys bol­ǵaly biraz  jyl ótti. Osy­dan úsh jyl buryn apam da aýyryp, baqıǵa attandy. Keterinde úıin amanattap, qujattaryn maǵan tas­tap ketken. Sodan terezesin ja­ýyp, esigin qulyptap qoı­dym. Anda-sanda baryp kó­rip turatynmyn.  Sol úıdi aýdan­dyq máslıhattyń depý­ta­ty, osyndaǵy alpaýyt se­rik­­testiktiń atqarýshy dı­rek­­tory Tólendi Ospanov degen kisi jumysshylary men tehnıkasyn jiberip, bir-aq kúnde buzyp tastap otyr. Qaıta der kezinde kórip qaldym. Bálenbaı  tehnıka, bálenbaı adam jabylyp tarsyldatyp buzyp jatyr eken. Endi bir saǵat keshikkenimde, dym qalmaǵandaı eken. О́zim baryp toqtattym. Uıaly telefonymmen sýretke túsirip, oblys ákiminiń saıtyna saldym. Qoryqty ma, áıteýir sodan keıin ǵana toqtatty. Qasynda sol seriktestikke tı­e­sili úı tur. Sóıtsem, sol úıge sý ótkizý úshin sor­ǵysh ornatpaqshy bolypty. Odan keıin aınalasyn qorshap, eki astyq qoımasyn salǵysy kelgen. Oǵan endi osy úı ǵana kedergi bolyp tur ǵoı.  Ol kisi qazir qarap jatpaı qol astyndaǵy jumysshylarynan «Ol úı bos turǵan. Ol jerge neshe túrli nashaqorlar jınalatyn. Bıdaı urlap tyǵatyn» degen qolhat jınap jatyr eken, dedi Dıev aýylynyń turǵyny Jangeldi Bekten­ber­genov. 

1

J.Bektenbergenov úı bu­zylǵan 9 maýsym kúni «álde­kimderdiń bul serik­tes­­tik dırektorynyń tapsyr­ma­sy» dep úıin qıratyp ket­ke­ni, óziniń zańdy menshik quqyǵynyń qorǵalýyna kó­mek­tesip, shara qoldanýdy surap  aýyl ákimi men aýdan­dyq polısııa bólimine sha­ǵym túsirgen. Odan keıin de­­pýtat úı ıesine adam ji­­be­ripti. Seriktestiktiń kúzet qyzmetiniń bastyǵy já­birlenýshige kelip, bul úıge qansha aqsha alǵysy ke­le­­tinin suraǵan. «Eki mıl­­lıon» degen jaýapty esti­gen kúzet bastyǵy únsiz bu­­ry­lyp ketipti.  Sodan esh­­kim­nen habar bolmaǵan. Jar­ty­laı qırap, jabyn aǵa­shyn belgisiz bireýler tasyp áket­ken úı qabyrǵasy yr­­­­sıyp, qańy­rap tur.  

­Qıraǵan úıdiń qujaty J. Bektenbergenovtiń qolynda.  Abaı kóshesinde ornalasqan úsh bólmeli úıge 8 sotyq jer tıesili. Kezinde keńshar men­shiginde bolǵan eken. 2007 jyly jábirlenýshiniń jez­desi marqum Eslám Aqsho­la­qov óz atyna aýdaryp, jeke­shelendirip alypty. 

– Jez­dem qaıtqannan keıin apam  Qozybaı Áýke­no­va búkil qujattaryn daıyndap,  bul úıdi óz atyna tirkegisi keldi. Sodan  Arqa­lyqtaǵy qyzyna baryp ke­lemin dep ketip edi, aıaq as­ty­nan  jolda aýyryp qaı­tys boldy. Endi jazym ǵoı, ne isteı alamyz oǵan? Úıdi satasyń ba, satpaısyń ba, óziń bilesiń, dep búkil qu­ja­tyn maǵan tastap ketken. Sóıtip apam da, men de úıdi óz atymyzǵa aýdaryp úlgere almadyq. Qazir onyń bárine shapqylaý úshin aqsha kerek. Aýyldaǵy adamǵa aqshany kim beredi?  Sodan turǵan úı edi. Bir kúnniń ishinde bulaı buzyp tastaıtynyn biz qaıdan bileıik, degen Jangeldi ózi kómek suraǵan qu­­zyrly organdardyń áli kúnge deıin eshbir shara qol­dan­­baı, jaıbaraqat jat­qa­nyna kúıinedi. 

Biz oblystyq polısııa de­partamentiniń baspasóz hat­shysy Irına Bejenarǵa  habar­lasyp, oqıǵanyń mán-jaıyn surap edik, araǵa eki-úsh kún salyp «2020 jylǵy 9 maýsym kúni Áýlıekól aýdandyq polısııasynyń kezekshi  bólimine  jergilikti turǵyn shaǵym túsirdi. Atalmysh shaǵym boıynsha QR QK-niń 188-baby, 1 bólimi boıynsha qylmystyq is qozǵaldy. Qazir kúdikti anyqtalyp, sotqa deıingi tergeý jumystary júrip jatyr», degen jaýap aldyq.  «Jyrtyq úıdiń qudaıy bar» degen osy.

 

Qostanaı oblysy,

Áýlıekól aýdany, 

Dıev aýyly

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

COVID-19: Hattamaǵa ózgeris qajet pe?

Qazaqstan • Búgin, 09:25

Uqsas jańalyqtar