Qoǵam • 26 Maýsym, 2020

70 mln-nan astam teńge jelge ushty

27 ret kórsetildi

Munyń aldyndaǵy jyldarda Aqtóbe qalasynda jergilikti atqarýshy bılik ókilderi tarapynan: bıylǵy kóktemde pálenbaı myń túp tal egildi degen syńaıdaǵy baıaǵy keńestik kezeńdegi sekildi málimetter jıi estiletin. Áıtse de keıin sol aǵashtardyń jaı kúıi qandaı bolǵany jónindegi aqparattar múldem aıtylmaıtyn. Balapandy kúzde sanaıtyny sekildi otyrǵyzylǵan kóshetterdiń sany qýrap qalmaı, boı jazyp ósken aǵashtardyń sanymen ólshense, áldeqaıda ádiletti bolar ma edi?

Bul qurǵaq sózder tek kóz aldaý, ýaqytsha upaı, arzan bedel jınaý úshin ǵana aıtylatyny belgili bolyp otyr. Mundaı tujyrym jasaýymyzǵa Aqtóbe oblysy boıynsha tekserý komıssııasy júrgizgen aýdıttik tekserýler barysy basty negiz qalaı alady.

Naqty derekterge súıensek, ótken jyly Aqtóbe qalasynda otyrǵyzylǵan myń kóshettiń toqsan paıy­zy kókteı solyp qýrap qalǵan eken. О́z keze­gin­de bul isti atqarýǵa jergilikti bıýdjetten 71,4 mıllıon teńge bólingenin eskersek, osy qomaqty qarajattyń basym bóligi jelge ushyp ketti deýge ábden bolady.

Budan shyǵatyn túıin – ókiletti tulǵalar bar isti kóshet otyrǵyzýmen bittige sanap, ony kútip-baptaý men sýarý jumystaryn múldem júrgizbegeni bolyp shyqpaı ma? Sondaı-aq mundaı soraqy kórinis Aqtóbe qalalyq ákimdigine qarasty salalyq bólimder tarapynan tıisti qadaǵalaý jumystarynyń júrgizilmegenin kórsetedi. Al bıyl oblys ortalyǵynda tal-terek ósirý máselesine qatysty áńgimelerdiń aıasy burynǵy jyldardan da aýqymdyraq estiledi. Aqtóbe qalasynyń ákimi Ashat Shaharovtyń aıtýynsha, shahar kóp keshikpeı jasyl jelekke oranyp sala beretin túri bar. Bul jóninde jasalǵan jobalar men baǵdarlamalar da eshkimge saýyryn sıpatar emes. Áıtse de munyń ózi ótken jyldardaǵy sekildi qurǵaq sóz, jalǵan ýáde kúıinde qalyp qoımasa bolǵany da.

 

AQTО́BE

 

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

COVID-19: Hattamaǵa ózgeris qajet pe?

Qazaqstan • Búgin, 09:25

Uqsas jańalyqtar