Qoǵam • 26 Maýsym, 2020

Syrqattar sport nysandaryna jatqyzylýy múmkin

4 ret kórsetildi

Almaty qalasy óńirlik kommýnıkasııalar qyzmetiniń alańynda qalalyq Qoǵamdyq densaýlyq saqtaý basqarmasynyń basshysy Kamaljan Nadyrov megapolıstegi epıdemıologııalyq jaǵdaı týraly jan-jaqty baıandady.

О́tken aptada aýrýhanalarǵa jat­­qyzý men jedel járdem qyz­me­tine júginý eki ese artqan bo­la­tyn. Naýqastar sanynyń ósýi – qant dıabeti, júrektiń ıshe­mııa­lyq aýrýlary, arterıaldy gıpertenzııa sııaqty aýrýlary bar pasıentterdiń kóbeıýimen baılanysty degen qorytyndyǵa kelip otyrmyz. Sondaı-aq aýrýdyń aýyrlyǵy men pasıentterdiń jas arasyndaǵy baılanys anyq baı­qalady, ıaǵnı, jaǵdaıy aýyr jáne óte aýyr pasıentterdiń 80%-dan astamyn 60 jastan as­qan­­dar quraıdy.

– Almatyda epıde­mıo­lo­gııa­lyq jaǵdaı kúrdeli, biraq bas­qa­rýǵa bolady. Qazir stasıonarlar men alǵashqy sanıtarlyq-me­dı­sınalyq kómek kórsetý uıym­da­rynda medısınalyq kómekti uıymdastyrý jumystary tolyq júr­gizilip jatyr. Bastapqyda qala­­d­aǵy juqpaly aýrýlarǵa ar­nal­­ǵan kereýet sany eki aýrýha­nada 500 orynnan aspaıtyn. Qazir tórt esege kóbeıip, shamamen 2 myń kereýetti quraıdy, bo­lashaqta 7 esege kóbeıedi. Tósek-oryndardyń ulǵaıýy basqa klı­nıkalardy qaıta qurý jolymen, jańa aýrýhanalardyń ashy­lýymen, sondaı-aq «Halyq Arena» jáne «Almaty Arena» sporttyq bazalarynda aýrýhanalar ashý arqyly qamtamasyz eti­ledi. Bul keshender ınfek­sııa­lyq qaýipsizdik talaptaryna eń qolaıly bolǵandyqtan tań­daldy. Atap aıtqanda, taza jáne las aýmaqtardyń aǵynyn qaras­ty­ratyn ishki aýmaqta seksııalyq bólinis bar. Taǵy bir mańyzdy artyqshylyǵy – bir ýaqytta 500 nemese odan da kóp pasıentti ornalastyrýǵa bolady, bul adam resýrstaryn utymdy paıdalaný turǵysynan óte mańyzdy. Sebebi kadrlardyń jetispeýshiligimen bir ýaqytta ártúrli uıymdardy me­dı­sınalyq kadrlarmen qam­ta­­ma­syz etý qıynǵa soǵady, – dedi Qoǵamdyq densaýlyq saqtaý basqarmasynyń basshysy.

Bas dáriger juqpaly aýrýlar em­deý stasıonarlarynda 236 dá­riger, 610 orta medısınalyq qyzmetker, 393 kishi medısınalyq qyzmetker tıisti medısınalyq kó­mek kórsetip jatqanyn málim­dedi. Provızorly stasıonar­lar­da 86 dáriger, 216 orta medı­sı­nalyq qyzmetker, 158 kishi medı­sınalyq qyzmetker sanalyp otyr. Jalpy, Almatyda stasıonarlyq deńgeıde KVI juq­tyrǵan naýqastardy emdeý úshin 1700-ge jýyq adam qyzmet atqa­ryp otyr.

– Ákimdik tarapynan dári­ger­­lerdiń aýysymnan keıin de­ma­­lýǵa, jumys ornyna bar­lyq jaǵdaı jasalyp jatyr. Árip­­­testerimizdiń qaýipsizdik máse­­­lelerine erekshe nazar aýda­­­ry­lady. Infeksııanyń jańa tol­qynyna daıyn bolý máse­le­­sine kelsek, biz dáriger­ler­diń, orta jáne kishi qyzmet­ker­­lerdiń qosymsha toptaryn qur­­dyq. Eriktiler men rezıdent dárigerlerdi tartý boıynsha jumys júrgizilýde, – deıdi K.Nadyrov.

 

Qandaı pasıentter aýrýhanalarǵa jatqyzylady?

Gospıtalızasııaǵa COVID-19 indeti rastalǵan, dene qyzýy 3 kúnnen beri 38,5°S bolsa, qannyń ottegimen qanyǵýy 95 paıyzdy kurasa, sondaı-aq ókpede 25 paıyzdan astam ózgeristerdiń basym pnevmonııa belgileri bar (KT nátıjeleri bar) pasıentter jat­qyzylady. 65 jastan asqan so­zylmaly aýrýlary bar naý­qas­tar men gemodıalız em-dom sharalaryn qajet etetin ımmýn tapshylyǵy belgilengen naý­qas­tar da aýrýhanaǵa em qabyl­daý úshin jatqyzylady.

Árbir emhanada bekitilgen reglamentke sáıkes pasıentterdi baqy­laý, monıtorıng júrgizý ju­mystarymen aınalysatyn 72 mobıldik brıgada qurylǵan. Mo­bıldik toptyń quramyna – bólimshe meńgerýshileri, ınfeksıonıst dárigerler, epıdemıologtar, ýchaskelik dári­ger­ler men meıirbıkeler kire­di. Barlyǵy 287 alǵashqy sanı­tar­ly-medısınalyq kó­mek kórsetý qyzmetkeri jumyldyrylǵan. Jumys sapasyn arttyrý maqsatynda atalǵan brıgadalardyń sanyn arttyrý boıynsha jumystar júrgizip otyr­myz. Maýsym aıynnan bas­tap emhana baqylaýynda 19 myń­nan astam jaqyn baılanysta bol­ǵan adamdar bar.

– Bilýimizshe, KVI-diń qaýipti jáne jıi asqynýlarynyń biri – pnevmonııa. Jaǵdaıdyń aýyr­ly­ǵyn baǵalaý úshin ýaqtyly ókpeniń kompıýterli tomogra­fııa­syn júrgizý qajet. Osyǵan baılanysty, biz KT qyzmet kór­se­tý­shileriniń tizimin jasadyq, em­­ha­nalar KT oryndaıtyn mem­­le­­kettik jáne jekemenshik uıym­­­darmen sharttar jasas­ty. Qala boıynsha atalǵan qyz­met kórsetýshiler sany – 12. KT qyz­metin jetkizýshiler korona­vı­rýstyq ınfeksııa dıagnozy rastalǵan pasıentterdi qabyldaý jumystarynyń bólek, kestesin jáne aýrý belgileri uqsas pasıentterge arnalǵan jeke ýaqytty anyqtady. Osy­laı­sha, biz KT kabınetteriniń ótkizý qabiletin taldap, indet juqtyrǵandardyń qazirgi legine sáıkes, Almatyda halyqty KT-men qamtamasyz etýde problema bolmaýy tıis degen qorytyndyǵa keldik. Sondaı-aq úsh aı ishinde KT apparatyn Qalalyq balalar qalalyq klınıkalyq juqpaly aýrýlar aýrýhanasy jáne medı­sınalyq jedel járdem kór­se­tý aýrýhanasyna jetkizý kú­tilýde, bul osy zertteýge qol­je­timdilikti arttyrady, – dedi basqar­ma basshysy.

Qaladaǵy zerthanalyq dıagnostıka jaǵdaıyna kelsek, birqatar zerthanalardyń isten shyǵýy qoǵamda belgili bir rezonans týdyrǵany belgili. Biraq, pasıentterde test nátıjesiniń teris bolýyna qaramastan, koro­na­­vırýsqa uqsas klınıkalyq kó­ri­nis tapqan jaǵdaıda, biz dıagnostıkalaý men emdeýdiń jańa klınıkalyq hattamasyna sáıkes, testileý nátıjesin kútpesten emdeý­di bastaımyz. Bul emdeý prosesin baqylaýǵa jáne pro­sesti qaýipti asqynýlarǵa deıin órshitip almaýǵa múmkindik bere­di. Bolashaqta osyndaı keleńsiz ja­ǵdaılardy boldyrmaý úshin jeke­menshik jetkizýshilerdi tartý arqyly aǵymdaǵy qýatty artty­rý jáne jańa zerthanalar ashý sııaqty máseleler sheshilip ja­tyr, – deıdi Almatynyń bas dárigeri.

 

ALMATY

 

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar