Aımaqtar • 26 Maýsym, 2020

Sanıtarlyq talap saqtalmaı otyr

8 ret kórsetildi

Elimizde karantın talaptary engizilgeli beri Taraz qalasynda da tıisti nysandar jumysyn toqtatty. Birinshi kezekte adamdardyń densaýlyǵy men qaýipsizdigi basty nazarǵa alynyp, kóbi qashyqtan jumys isteý tártibine kóshti. Keıin karantın talaptary tolyq alynbasa da, birshama jeńildetilip, tıisti nysandarǵa jumysyn qaıta bastaýǵa ruqsat berildi.

Degenmen, búgingi tań­da Taraz qalasy boıynsha jumysyn qaıta bastaǵan keı­bir saýda oryndary men qoǵam­­dyq tamaqtaný nysanda­ryn­da sanıtarlyq talaptar tolyq saqtalmaı otyr. «Birine jan qaıǵy bolsa, birine mal qaıǵy». Iаǵnı turǵyndardyń biri qaýipti dertti juqtyryp, densaýlyǵymen álek bolyp júrse, endi biri tabys tabýdyń sońyna túsip, talaptardy saqtaýdy umyt qaldyrǵan.

Sanıtarlyq talaptardy meılinshe saqtaý kerektigin eskertip kelgen mamandar endi tıisti nysandarǵa aıyppul salýǵa kiristi. Karantın talaptaryna baılanysty kóne shaharda reıd jumystary júrgizilip, talapqa saı bolmaǵan birqatar nysandarǵa arnaıy hattamalar toltyryldy. Bul oraıda Taraz qalasy ákiminiń orynbasary Ashat Esenǵalıev jáne polısııa qyzmetkerleri, ta­ýarlar men qyzmetterdiń sapasyn jáne qaýipsizdigin baqy­laý basqarmasynyń mamandary qaladaǵy saýda oryndary men tamaqtaný núktelerin aralady. Nátıjesinde, kóptegen kem­sh­ilikter anyqtaldy. Tip­ti shahar turǵyndarynyń ózi koronavırýsqa jaýapsyz qarap, indettiń kóbeıýine jol ashyp otyr. Bir keshte ǵana júrgizilgen reıd barysynda Taraz qalasy boıynsha 8 zańbuzýshylyq tirkelgen.

«Máselen, reıd barysynda oblys ortalyǵyndaǵy «Sálem» dámhanasy qyzmetkerleriniń medısınalyq qolǵapsyz qyz­met kórsetip júrgendigi, kelý­shi­lerdiń jaǵdaıy men medı­sı­na­lyq maskalarynyń tekse­ril­meıtindigi anyqtaldy. Jalpy, qalada sanıtarlyq talap­tar­dyń tolyq oryndalmaı otyr­­ǵandyǵyna kóz jetkizdik», deıdi qala ákiminiń orynbasary.

Sonymen qatar «Za lı­nıeı» aımaǵyndaǵy azyq-túlik dúkenderi men kólik jýý oryndarynda da zańbuzýshylyqtar oryn alǵan. «Loto club» oıyn-saýyq mekemesiniń ákimshiligi hattamany rásimdeýden bas tartqan. Bul rette qala ákimi Aıtqazy Qarabalaev kezekti brıfıng kezinde turǵyndarǵa jáne kásipkerlerge azamattardyń tártibi men qaýipsizdigin qamta­ma­syz etý qajettigine baılanysty shekteýlerge túsinis­tik­pen qaraýdy suraǵan bolatyn. Sebebi koronavırýs indetin juqtyrǵandar sany Jambyl oblysynda 600-ge jetse, onyń basym bóligin Taraz qalasy qurap otyr. Kún sanap kóbeıip kele jatqan indettiń beti qaýipti. Sondyqtan da árbir jekelegen turǵyndardan bastap, túrli nysandardyń ıeleri men qyzmetkerleriniń de sanıtarlyq talaptardy qatań saqtaǵany durys-aq. «Atap aıtqanda, qoǵamdyq tamaqtaný oryndaryna kelýshiler sany 50 adamǵa deıin bolýy kerek. Mundaı nysandardyń jumys ýaqyty túngi saǵat 22:00-ge deıin shektelgen. Al jumys istep jatqan bıznes sýbektileri qatań talaptardy saqtaýy kerek», deıdi A.Esenǵalıev.

«Aýrý batpandap kirip, mysqaldap shyǵady» degen sóz bar. Indettiń qaýipti ekenin sala mamandary aıtyp ta, jazyp ta júr. Sondyqtan búgingideı jaǵdaıda karantın talaptaryn saqtaýdyń mańyzy zor. Bul jerde birinshi kezekte tabys emes, taǵdyr turǵany abzal. Búginde qala kóshelerinde ınfeksııanyń taralýyn boldyrmaý maqsatynda kún saıyn jappaı dezınfeksııalyq jumystar júrgizilýde. Sońǵy eki kúnniń ózinde mamandar arnaıy 9 birlik tehnıkany paıdalana otyryp, 2 mln 175 myń sharshy metr jerdi zararsyzdandyrdy. Onyń ishinde 67 kóshe, túrli áleýmettik nysandardyń aýmaqtary, balalar alańdary, saıabaqtar sııaqty oryndar bar. Biraq karantın talaptaryn saqtaýdy árbir adam ózinen bastamasa, jumys istep turǵan nysandar adamdardyń densaýlyǵyna beıjaı qaraıtyn bolsa, kún saıyn júrgizilip jatqan dezınfeksııanyń da, oblys deńgeıinde qabyldanyp jatqan sharalardyń da paıdasy shamaly.

 

TARAZ

 

Sońǵy jańalyqtar

Araq aýrýdan aıyqtyrmaıdy

Koronavırýs • Búgin, 22:20

Dáriger keńesin onlaın túrde alýǵa bolady

Koronavırýs • Búgin, 22:00

Pnevmonııaǵa basqa ataý berilýi múmkin

Koronavırýs • Búgin, 21:40

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

О́z tanysyn tonap ketken ury ustaldy

Aımaqtar • Búgin, 14:30

Ustazdardan zańsyz aqsha jınalmaý kerek

Aımaqtar • Búgin, 12:32

Muhtar Shahanov aýyryp jatyr

Qazaqstan • Búgin, 11:56

Gongkongta mektepter qaıta jabylady

Álem • Búgin, 11:10

Uqsas jańalyqtar