Qazaqstan • 26 Maýsym, 2020

Aıda Balaeva BAQ qyzmetkerlerin kásibı merekesimen quttyqtady

79 ret kórsetildi

Aqparat jáne qoǵamdyq damý mınıstri Aıda Balaevanyń qatysýymen Qazaqstandaǵy BAQ qyzmetkerleri kúnine oraı saltanatty jıyn ótti. Jıyn barysynda mınıstr BAQ qyzmetkerlerin kásibı merekesimen quttyqtady, - dep jazady Egemen.kz

"Qadirmendi jýrnalıster qaýymy! Qurmetti áriptester!

Kez kelgen qoǵamnyń damýy, memlekettiń ósip-órkendeýi sol qoǵamnyń ishki turaqtylyǵyna, bereke-birligine, ulttyq qundylyqtarynyń saqtalýyna, memlekettik myqty ıdeologııasyna baılanysty. Al muny qalyptastyratyn, eń birinshi, ǵalymdar men zııalylar, aqyn-jazýshylar men jýrnalıster.

Jýrnalıster – qoǵamnyń janashyry! Qoǵam tirshiligindegi qylt etken qıyndyqqa birinshi bop ún qatyp, tyǵyryqtan shyǵar jol izdeıtin de jýrnalıster qaýymy!

Oralhan Bókeev aǵamyz kezinde: “Aqıqat sózdiń báıgesi - myltyqsyz maıdan. Jabysy qalyp jarymda, sáıgúlik ozǵan!” degen eken.
Búgin, mine, sol aqparat maıdanynda “qarýym - qalam, órisim - qaǵaz” dep, aqıqattyń arda júgin arqalap júrgen jýrnalıster qaýymynyń kásibı merekesi!

Endeshe, О́zimniń jáne Mınıstrlik ujymynyń atynan barsha áriptesterimizdi shyn júrekten quttyqtaımyn!", dedi Aıda Balaeva.

Sondaı-aq mınıstr jýrnalısterge alǵys aıtty.

"Rasynda da, jýrnalıstıka - shyǵarmashylyq óristi ǵana emes, kásibı órshildik pen asa tereń mádenıettilikti, jan-jaqty bilimdilik pen ishki tárbıelilikti qatar talap etetin kirpııaz mamandyq. О́ıtkeni, ǵulama ǵalymmen de, birtýar darynmen de, qarapaıym qaýymmen de teń sóılesip, tamyryn tabý - ekiniń birine buıyra bermeıtin dara qasıet. Asqaq abyroı.

О́z basym osyndaı qasıet pen abyroıdy otandyq jýrnalıstıkamyzdy búgingideı tamasha bıikke kótergen maıtalman aǵa býynnan bastap osy kúni aqparat aǵynymen alysqan árbir tilshiniń boıynan kóremin. Kórip qana qoımaı, Sizderde bar erekshe talǵampazdyqty sezemin.

Sondyqtan da, osyndaı talǵamdy qoǵamda qalyptastyryp, aınalamyzǵa adal aqparat jetkizýge atsalysqan aýyr da abyroıly eńbekterińiz úshin rııasyz alǵysymdy jetkizemin!
Qalamymdaryńyzdan qasıet ketpesin! El ıgiligin tý etken eńbegimizde tabystarǵa birge jeteıik!
Sizderge zor densaýlyq, otbasylaryńyzǵa amandyq, baqyt pen bereke tileımin!", dedi Aıda Balaeva.

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar