Ekonomıka • 26 Maýsym, 2020

Ushaq qatynasy qaıta jandandy

17 ret kórsetildi

Sońǵy jyldary elimizde shekaralyq aımaq turǵyndaryna memleket tarapynan kóńil bóline bastaǵany belgili. Osynyń bir dáleli retinde Almaty oblysynda Narynqol aýdanynyń qaıta qurylǵanyn aıtýǵa bolady.

Al Shyǵys Qazaqstanda ázirge jeke aýdan ashylmasa da, shekarada ornalasqan eldi mekenderdiń ınfraqurylymyn nyǵaıtý jumystary qolǵa alynyp jatqany qýantady. Jaqynda gazetimizde shekara shebindegi Tarbaǵataı aýdanynyń Aqjar jáne Aqsýat aýyldarynda memleket-jekemenshik seriktestik aıasynda jeke úıler salyna bastaǵanyn jazǵan bolatynbyz. Endi mine, shekara aımaǵynda oryn tepken taǵy bir aýdan Zaısanda 30 jyldan keıin Almatyǵa baratyn ushaq qatynasy qaıta jandanyp, jergilikti turǵyndardyń tóbesin kókke jetkizgendeı boldy. Iá, Zaısan turǵyndarynyń Alataý baýraıyna ushaqpen ushpaǵandaryna 30 jylǵa jetip jyǵylypty. 1 maý­symnan bastap zaısandyqtar ushaqpen áýeli Úrjarǵa jetip, ári qaraı Almatyǵa ushyp jatyr. «Tasymaldaýshy – «Ońtústik aspany» áýe kompanııasy. Ushaq aptasyna úsh ret – dúısenbi, beısenbi, senbi kúnderi ushady. О́skemennen kúndizgi saǵat 11-de shyqqan ushaq 12-de Zaısanǵa keledi. 12:40-ta Úrjarǵa baǵyt alyp, 13:30-da sonda bolady. «Zaısan – Úrjar» baǵytyndaǵy ushaq quny – 11 250 men 16 250 teńge aralyǵynda. Bul endi bıletti alǵan kúnine baılanysty. Al Úrjardan Almatyǵa deıingi bılet baǵasy – 14 myń. 15 jasqa deıingi balalarǵa 7 myń, eki jasqa deıingi sábılerge tegin. Bul baǵyt oblys tarapynan sýbsıdııalanǵan. Sonda Zaısan turǵyndary 25-30 myń teńgege Almatyǵa jetip alady» deıdi Zaısan qalasyndaǵy áýejaı dırektory Ermek Tursynov.

Osy jerde eskerte keter bir dúnıe, Zaısan qalasy men О́skemen arasynda ushaq qatynasy burynnan bar. Bul baǵytqa da oblystyq bıýdjetten sýbsıdııa beriledi. Bizdiń súıinshileı aıtyp otyrǵanymyz – 30 jyldan keıin iske qosylǵan «Zaısan – Úrjar – Almaty» baǵytyndaǵy ushaq.

Osy baǵyttyń ashylǵany Ala­kólge demalýǵa baratyn jurtshylyqty da erekshe qýan­typ otyr. «Aýdan turǵyndary bú­ginge deıin Alakólge kisi basy avtobýsqa 7-8 myń, taksıge 10 myń teńge tólep, aınalma jol­men sharshap-shaldyǵyp zorǵa jetetin edi. Sondyqtan da kópshilik Alakólge barýǵa yntaly bolǵanymen joldyń azabynan demalysqa barýdan bas tartatyn. Mine, endi aıdyndy Alakólge nebári eki-úsh saǵatta ushaqpen esh sharshamaı-aq jetýge bolady. Al Zaısan turǵyndary Almatyǵa avtobýs­pen táýlik boıy júrip, jol azabyn ábden tartyp edi. Endi úsh-tórt saǵatta Almatyǵa barady. Aýdan turǵyndary osy ıgi isti qolǵa alǵan oblys ákimi Danıal Ahmetov pen aýdan ákimi Serik Zaınýldınge dán rıza», deıdi Zaısan qalasynyń turǵyny, qoǵam belsendisi Erkebulan Zaǵyparov.

 

Shyǵys Qazaqstan oblysy

 

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

COVID-19: Hattamaǵa ózgeris qajet pe?

Qazaqstan • Búgin, 09:25

Uqsas jańalyqtar