Aımaqtar • 26 Maýsym, 2020

Kóne Tarazdyń sáýleti artyp keledi

9 ret kórsetildi

О́tken jyly Jambyl oblysynyń ortalyǵynan «Kóne Taraz» tarıhı-etnomádenı kesheni ashylǵan bolatyn. Birneshe nysannan turatyn keshenniń shyǵystyq úlgidegi ereksheligi de talaıdy tańdandyrǵan.

Al búginde atalǵan keshen mańyn­daǵy «Mart» saýda jáne oıyn-saýyq ortalyǵynyń janynda ornalasqan «Arbat» jaıaý júrginshiler jolynyń úshinshi kezeńiniń qurylysy bas­taldy. Jobalaýshylardyń ıdeıasy boıyn­sha «Arbat» jaıaý júrginshiler joly «Kóne Taraz» kesheni Qarahan ba­ba kesenesin baılanystyrady. Mun­da jalpy aýdany 2,5 gektardy quraı­tyn uzyndyǵy 320 metrlik sazdy sýburqaq iske qosylady. Sondaı-aq 8 túrli aǵashtyń 160-tan astam kósheti otyrǵyzylyp, jaryqtandyrý ju­mystary júrgiziledi. Kóne sha­har­dyń kelbetin arttyrý úshin oryn­dyqtar men sákiler ornatylady. Sony­men qatar 18 myń sharshy metr jerge órnektastar tóseledi. Mundaǵy jumys­qa barlyǵy 50 adam tartylǵan jáne olardyń ortasha jalaqysy 100 myń teńgeni quraıdy.

Merdiger uıymnyń dırektory Erkebulan Egizbaevtyń aıtýynsha, nysandy merziminen buryn tapsyrý kózdelýde eken. Iаǵnı nysan shilde aıynyń sońynda tapsyrylady dep kútilýde. Búgingi tańda jumystyń 50 paıyzdan astamy aıaqtalǵan. Jaıaý júrginshiler alleıasynyń janyna saýda pavılondaryn da salý josparlanǵan. Taraz qalasynda ótken ǵasyrdyń basynda salynǵan «Áýlıe-Ata» meshitin qaıta qalpyna keltirý jumystary da qolǵa alynýda. Atalǵan ǵıbadat úıi ultymyzdyń tarıhı jádigerleriniń birinen sanalady. Bir aıta keterligi, bul jumystar bıýdjetten tys qarajattar esebinen atqarylýda. Eki myń jyldan astam tarıhy bar kóne shahardyń sáýletin arttyrý jalǵasady.

 

Jambyl oblysy

 

Sońǵy jańalyqtar

Shymkent qalasynyń ákimi ýádesin oryndady

Aımaqtar • 04 Shilde, 2020

Tirkelmegen qarý-jaraqtan qutylǵan abzal

Aımaqtar • 04 Shilde, 2020

Atyraýda tegin dári-dármek taratylmady

Aımaqtar • 04 Shilde, 2020

Ipoteka týraly zańǵa ózgerister engizildi

Aımaqtar • 04 Shilde, 2020

Arqalyqta etanoldan ýlanyp 9 adam kóz jumdy

Aımaqtar • 04 Shilde, 2020

Uqsas jańalyqtar