Sport • 26 Maýsym, 2020

Tolyq tizim jarııalandy

2 ret kórsetildi

MTK Kazakhstan menedjerlik kompanııasy 18 shildede Almatyda ótetin boks keshinde judyryqtasatyn boksshylardyń tolyq tizimin jarııalady.

Buǵan deıin jazǵanymyzdaı boks keshiniń basty jekpe-jeginde jeńilistiń kermek dámin tatpaǵan eki boksshymyz – Dáýren Eleýsinov (8-0-1, 7 KO) pen Arman Rysbek (7-0, 6 KO) óner kórsetedi. Sonymen qatar taǵy eki boksshymyz kásipqoı bokstaǵy tyr­naqaldy kezdesýin ótkizedi. Azııa chempıony Tursynbaı Qulahmet kásipqoı rıngtegi alǵashqy aıqasynda Saǵadat Rahmanqulmen (6-1-0, 4 KO), jasóspirimder Olımpıadasynyń kúmis júldegeri Talǵat Shaı̆ken Berikbaı Nurymbetovpen (5-0, 1 KO) kezdesedi.

Sondaı-aq boks keshinde Saparbaı Aıdarov (4-0-­0) pen Abaı Tólesh (5-0-0), Nurjan Maqashbaev (0-0-2) pen Nurdos Tólebaı (2-0-0), Lýnara Alhamova (debıýt) men Jansaıa Rahymberdi (1-0-0), Talǵat Bertileýov (0-1-0) pen Raı Seıitjanov (2-0-0), Qanaǵat Qartbaev (1-0-0) pen Aqnıet Qazıev (0-1-0), Qanat Sańǵyl (debıýt) men Aıdos Medet (3-0-0), Nurslan Sabyrov (debıýt) pen Qanaǵat Manatuly (1-0-0) jáne Bektas Qasenaı (1-0-0) men Zamanbek Danabekov
(1-0-0) synǵa túsedi.

Aıta keteıik, boks keshi kórermenderdiń qaty­sýynsyz jáne barlyq sanıtarııa talaptaryn saqtaı otyryp ótedi. Jekpe-jekterdi AQSh-ta ESPN+, Qazaq­standa QazSport telearnasy tikeleı efırde kórsetedi.

Sońǵy jańalyqtar

Uqsas jańalyqtar