Saıasat • 26 Maýsym, 2020

Úmitkerlerge bólinetin qarjy kólemi belgili

2 ret kórsetildi

Ortalyq saılaý komıssııasynyń (OSK) otyrysy ótip, onda Parlament Senatynyń depýtattyǵyna kandıdattyń respýblıkalyq bıýdjet qarajatynan óteletin shyǵystarynyń mólsherin belgileý, kandıdattardyń saılaý qorlary máseleleri qaraldy.

Otyrysta sóz alǵan Ortalyq saılaý komıssııasynyń tóraǵasy Berik Imashev 2020 jylǵy 12 tamyzǵa taǵaıyndalǵan Parlament Senatynyń depýtattaryn saılaý jónindegi saılaý naýqanynyń barysymen qysqasha tanystyrdy.

«Bıylǵy 25 maýsymdaǵy jaǵdaı bo­ıynsha depýtattyqqa 88 adam usynyldy. Ortasha alǵanda bir depýtattyq orynǵa 5 adam úmitker bolyp otyr», dep atap ótti B.Imashev.

Otyrysta Ortalyq saılaý komıs­sııasynyń hatshysy Sábılıa Mustafına baıandama jasady. Onyń aıtýynsha, memleket kandıdattarǵa buqaralyq aqparat quraldarynda óz baǵdarlamalaryn tanystyrý úshin teń qarajat bólinýi­ne kepildik beredi. Kandıdattardyń baǵdarlamalaryn tanystyrýǵa telearnalar úshin 10 mınýt, radıolar úshin 10 mınýt, merzimdi basylymdar men jelilik basylymdardaǵy jarııalanym úshin eki maqala kóleminde múmkindik berip otyr.

Sondaı-aq respýblıkalyq bıýdjet qara­jatynan kandıdattardyń saılaý al­dyndaǵy jarııaly is-sharalaryn ót­kizýge, úgit materıaldaryn shyǵarýǵa arnal­­ǵan shyǵystary men kólik shyǵys­tary Ortalyq saılaý komıssııasy belgi­le­gen mólsherde óteledi», dedi S.Mustafına.

OSK óz qaýlysymen Parlament Senatynyń depýtattyǵyna kandıdattyń respýblıkalyq bıýdjet qarajatynan óteletin shyǵystaryn 450 000 teńge kóleminde belgilegen. Onyń 300 000 teńgesi teledıdardan, radıodan sóz sóıleý jáne merzimdi baspa basylymdarynda 2 maqala jarııalaý úshin, saılaý aldyndaǵy kópshilik is-sharalardy ótkizý jáne úgit materıaldaryn shyǵarý úshin 70 000 teńge, al kólik shyǵyndary úshin 80 000 teńge bólek qarastyrylǵan.

Sondaı-aq S.Mustafına Parla­ment Senatynyń depýtattyǵyna kandı­dat­tardyń saılaý qorlary týraly aqpa­ratty túsindirdi. Baıandamadan belgili bolǵandaı, kandıdattyń menshikti qarajatynyń jalpy somasy zańnamamen belgilengen eń tómengi jalaqydan eki júz ese mólsherden aspaýy tıis, ıaǵnı bul 8 500 000 teńgeni quraıdy. Sony­men birge basqa da azamattar men uıym­dardyń kórsetetin qoldaýy zańnama­da belgilengen eń tómengi jalaqy mól­sherinen bes júz eseden aspaýy tıis, al bul 21 250 000 teńge.

OSK tóraǵasy B.Imashev «Senat depý­tat­tarynyń janama saılaýyn ótkizý kezinde qazirgi zamanǵy aqparat­tyq teh­nologııalardy qoldaný saılaý pro­se­siniń ashyqtyǵy men jarııaly­ly­ǵyn qamtamasyz etedi», dep atap ótti.

 

Sońǵy jańalyqtar

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

Uqsas jańalyqtar