Saıasat • 26 Maýsym, 2020

Sessııa jumysy qorytyndylandy

1 ret kórsetildi

Senat Tóraǵasy Máýlen Áshimbaev Palatanyń ótken sessııadaǵy jumysyn qorytyndylady. Palata Spıkeriniń aıtýynsha, ótken sessııada Parlament el ıgiligine qyzmet etetin mańyzdy birqatar zań qabyldady.

«Bul kezeń elimiz úshin ońaı bolǵan joq. Búkil álemmen birge biz de jańa syn-qaterlermen betpe-bet keldik. Osyn­­daı sátte Prezıdentimizdiń basshy­ly­ǵymen el ekonomıkasyn qalpyna kel­t­irýge, halyqtyń ál-aýqatyn túze­týge ba­ǵyttalǵan keshendi sharalar jú­ze­ge asy­rylýda. Sol bastamalardy jáne eli­mizdiń strategııalyq saıasatyn zań­na­malyq turǵydan qamtamasyz etýge Qazaq­stan Respýblıkasynyń Senaty da óziniń salmaqty úlesin qosty», – dep atap ótti Máýlen Áshimbaev.

Senat Tóraǵasy Memleket basshysy alǵa qoıǵan mindetterdi iske asyrý­daǵy nátıjeli jumysy úshin depý­tattarǵa alǵysyn bildirdi.

Senat otyrysynda Qazaqstan Respýb­lıkasy Prezıdentiniń usynymy bo­ıynsha N.Rahmetýllına men A.Tókıev Joǵarǵy sottyń sýdıasy qyzmetine saılandy. Jańadan saılanǵan sýdıalar ant berdi.

Odan bólek, Palata «Salyq jáne bıýdjetke tólenetin basqa da mindetti tólemder týraly» kodekske (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» Qazaqstan Respýblıkasynyń kodeksin (Salyq kodeksi) qoldanysqa engizý týraly» zańǵa ózgerister men to­lyq­­tyrýlar engizý týraly» zańdy qabyl­­dady. Bul zań budan bylaı ekonomı­kalyq ósýdi qalpyna keltirýge yqpal etetin bolady. Túzetýler memlekettiń kásipkerlik sýbektilerine jáne halyqqa qoldaý kórsetýine múmkindik beredi ári bul azamattardyń iskerlik belsendiligi men ál-aýqatyna oń áser etedi.

Senat depýtattary «Qazaqstan Res­pýb­­lıkasynyń keıbir zańnamalyq akti­lerine shetel valıýtasyndaǵy ıpote­ka­lyq qaryzdar, kórsetiletin tólem qyzmet­teri naryǵynyń sýbektilerin ret­teýdi jetildirý, jalpyǵa birdeı dek­la­ra­sııalaý jáne ekonomıkalyq ósý­di qal­pyna keltirý máseleleri boıyn­sha ózgerister men tolyqtyrýlar engizý týraly» zańdy da qabyldady. О́zge­ris­ter 2016 jylǵy 1 qańtarǵa deıin berilgen shetel valıýtasyndaǵy ıpote­kalyq qaryzdardy konvertasııalaý ju­mys­taryn aıaqtaýǵa múmkindik beredi. Son­daı-aq bul qujat aqshany jylystatý qaýpin azaıtý, kapıtaldy elden shyǵarý jáne «kóleńkeli ekonomıkaǵa» qarsy is-qımyl maqsatynda tólem júıelerimen qosa banktik emes uıymdardyń qyzmetine qatysty máselelerdi tıimdi retteıdi.

Sessııanyń qorytyndy otyrysynda senatorlar «Qazaqstan Respýblıkasynyń keıbir zańnamalyq aktilerine aýdıtorlyq qyzmet máseleleri boıynsha ózgerister men tolyqtyrýlar engizý týraly» zań­dy da qabyldady. Zań halyqaralyq tájirı­belerdi eskere otyryp osy saladaǵy zańnamany odan ári jetildirý, sapany baqylaý jáne aýdıtorlarǵa attestattaý júrgizý jónindegi ashyq talaptardy belgileý arqyly sapany arttyrý maqsatynda ázirlengen bolatyn.

Senatta «Qazaqstan Respýblıkasynyń keıbir zańnamalyq aktilerine memlekettik qyzmet máseleleri boıynsha ózgerister men tolyqtyrýlar engizý týraly» zań da bekitildi. Qujat birqatar eleýli ózge­risterdi, onyń ishinde «Dıplommen – aýylǵa!» baǵdarlamasyn qoldaný aıasyn keńinen taratýdy, konkýrstyq úderis­terdi ońtaılandyrýdy kózdeıdi.

Depýtattar «Qazaqstan Respýblı­kasy­nyń keıbir zańnamalyq aktilerine aýyldyq eldi mekenderde ınternettiń qol­je­tim­diligin qamtamasyz etý máse­le­leri boıynsha ózgerister men tolyq­tyrýlar engizý týraly» zańdy da maqul­dady. Qujat antenna-dińgek qurylystary nemese uıaly jáne spýtnıktik baılanys jabdyqtary úshin tirek salýǵa jer ýchas­kelerin berýdiń ońaılatylǵan tár­tibin qarastyrady. Ol operatorlar qyz­­metiniń tıimdiligin arttyrady jáne aýyl­dyq jerlerde jyldam ınternetti paı­dalanýǵa múmkindik beredi.

Sonymen qatar otyrysta Senat «Qazaq­stan Respýblıkasynyń keıbir zańna­malyq aktilerine oıyn bıznesi máse­­leleri boıynsha ózgerister men tolyq­tyrýlar engizý týraly» zańdy qabyl­dady. Bul zań boıynsha býkmekerlik keń­s­eler men totalızatorlardyń qyz­metin baqylaý tetikteri jetildiriledi.

Depýtattar «Qazaqstan Respýblıka­synyń keıbir zańnamalyq aktilerine sybaılas jemqorlyqqa qarsy is-qımyl máseleleri boıynsha ózgerister men tolyqtyrýlar engizý týraly» zań jobasyn birinshi oqylymda maquldady. Qujat sybaılas jemqorlyq kórinisteriniń aldyn alý boıynsha qosymsha sharalar engizýdi kózdeıdi.

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

COVID-19: Hattamaǵa ózgeris qajet pe?

Qazaqstan • Búgin, 09:25

Uqsas jańalyqtar