Qazaqstan • 26 Maýsym, 2020

Búgin elimizdiń basym bóliginde nóser jaýyn bolady

1280 ret

kórsetildi

1 mın

oqý úshin

26 maýsym kúni sıklon jáne onymen baılanysty atmosferalyq fronttardyń yqpalynan Qazaqstan aýmaǵynyń basym bóliginde jańbyr jaýady, keı jerlerde naızaǵaı, burshaq kútiledi. Elimizdiń tek batys bóliginde juma jaýyn-jashynsyz ótedi. Respýblıka boıynsha keı jerlerde jeldiń kúsheıýi, daýyl, kúndiz ońtústik-batysta shańdy daýyl boljanady, - dep jazady Egemen.kz.

Jibek AǴDARI

Búgin elimizdiń basym bóliginde nóser jaýyn bolady

Aqmola, Qostanaı, Soltústik Qazaqstan, Shyǵys Qazaqstan oblystarynyń keı jerlerinde jel 15-20 m/s kúsheıedi, burshaq jaýýy yqtımal. Qostanaı oblysynda sondaı-aq daýyl kútiledi.

Batys Qazaqstan, Mańǵystaý, Qaraǵandy, kúndiz Almaty, Jambyl, Túrkistan, Aqtóbe, Pavlodar oblystarynyń keı jerlerinde jel 15-20 m/s artady. Kúndiz Mańǵystaý oblysynda shańdy daýyl turady.

Atyraý oblysynyń túnde basym bóliginde, kúndiz keı jerlerinde jel 15-20 m/s kúsheıedi. Qyzylorda oblysynyń túnde keı jerlerinde, kúndiz basym bóliginde 15-20 m/s jel bolady. Kúndiz onyń ekpini 23-28 m/s jetýi yqtımal.

Almaty oblysynda kúndiz qatty ystyq kútiledi. Atyraý, Qyzylorda oblystarynda, Aqtóbe, Qostanaı, Aqmola, Qaraǵandy, Túrkistan, Jambyl, Almaty oblystarynyń basym bóliginde, Batys Qazaqstan oblysynyń ońtústik-shyǵysynda óte joǵary órt qaýpi saqtalady.