Álem • 26 Maýsym, 2020

Ýkraınada 262 eldi mekendi sý basty

73 ret kórsetildi

Ýkraınada 262-den asa eldi mekendi sý basty. Apat saldarynan 154 shaqyrym jol men 172 kópir buzyldy. Bul týraly RIA Novostı agenttigi Tótenshe jaǵdaılar jónindegi memlekettik qyzmet komıtetine silteme jasap habarlady. 

Ivan-Frankovsk jáne Chernovısk, Lvov, Zakarpatsk jáne Ternopolsk oblystarynda jańbyr jaýyp, Ýkraınada IIM tótenshe jaǵdaı  rejimin dúısenbi kúni jarııalanǵan. 

Sársenbi kúni tótenshe jaǵdaılar qyzmeti úsh adamnyń qaıtys bolǵanyn jáne bir adamnyń joǵalǵanyn habarlady. Ýkraına Syrtqy ister mınıstrligi Eýropalyq odaq pen Soltústik Atlantıkalyq kelisim uıymynan eldiń batysyn sý tasqynynan qutqarý úshin kómek surady. Ivan-Frankovsk oblysynyń prokýratýrasy sý tasqynyna sebep bolǵan ormandaǵy aǵashtardy zańsyz jappaı kesý faktisi boıynsha qylmystyq is qozǵady.

"26 maýsym saǵat 7.00-degi jaǵdaı boıynsha eki oblysta 7 eldi mekende jaryq sóndi. 262 eldi mekende 7 731 úı jáne 13 áleýmettik-turmystyq nysan sý astynda qaldy. 154 shaqyrym jol, 172 kópir buzyldy, 4 553  jertóleni jáne 12 411 úı janyndaǵy jerdi sý basty", - delingen vedomstvonyń habarlamasynda.

Qolaısyz aýa raıynyń saldaryn joıý úshin 403 tehnıka men (eki tikushaq) 1 225 adam jumyldyryldy.

Memleket basshysy V.Zelenskıı eldegi máseleni dereý sheshý boıynsha tapsyrma berdi.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar