Parlament • 26 Maýsym, 2020

Ajar Ǵınııat Densaýlyq saqtaý vıse-mınıstri bolyp taǵaıyndaldy

748 ret kórsetildi

Úkimettiń qaýlysymen Ajar Ǵınııat Densaýlyq saqtaý vıse-mınıstri laýazymyna taǵaıyndaldy. Bul týraly Premer-Mınıstrdiń Baspasóz qyzmetine silteme jasaı otyryp Egemen.kz habarlaıdy. 

Ajar Ǵınııat 1969 jyly Batys Qazaqstan oblysynda dúnıege kelgen.

1992 jyly Aqtóbe memlekettik medısına ınstıtýtyn "dáriger-pedıatr" mamandyǵy boıynsha, 2007 jyly Sh.Esenov atyndaǵy Aqtaý memlekettik ýnıversıtetin «memlekettik jáne jergilikti basqarý menedjeri" mamandyǵy boıynsha, 2015 jyly Almaty menedjment ýnıversıtetin "MVA iskerlik ákimshilendirý magıstri" mamandyǵy boıynsha támamdaǵan.

Eńbek jolyn 1993 jyly Atyraý qalasynyń №2 qalalyq emhanasynda ýchaskelik pedıatr bolyp bastaǵan;

1994 jyldan 1999 jylǵa deıin — Aqtaý qalasynyń №1 medısınalyq sanıtarlyq bóliminiń meńgerýshisi;

1999-2001 jyldary — Mańǵystaý juqpaly aýrýlar aýrýhanasynyń bas dárigeriniń emdeý isi jónindegi orynbasary;

2001-2005 jyldary — Mańǵystaý oblysynyń Densaýlyq saqtaý basqarmasy basshysynyń orynbasary;

2005-2006 jyldary — Mańǵystaý oblysy densaýlyq saqtaý departamentiniń dırektory;

2008-2017 jyldary — Densaýlyq saqtaý mınıstrliginiń basqarma basshysy, departament dırektory;

2017 jylǵy qyrkúıekten bastap qazirgi tańǵa deıin Prezıdent Is basqarmasynyń Medısına ortalyǵy basshysynyń orynbasary qyzmetin atqardy.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar