Qoǵam • 26 Maýsym, 2020

Taldyqorǵandaǵy áleýmettik kásiporynda 10 myń maska tigildi

21 ret kórsetildi

2020 jyldyń kóktemi bárimiz úshin ońaı bolǵan joq, ol kóptegen adamdar úshin naǵyz synaq boldy, ásirese shaǵyn kásiporyndarǵa áser etti. Biraq ýaqyt "tolqynǵa ilesip", aǵymdaǵy jaǵdaıǵa tez beıimdele alatyn adam ǵana aman qalatynyn kórsetti.

"Jiger" múmkindigi shekteýli azamattardy quqyqtyq jáne áleýmettik qorǵaý jónindegi Almaty oblystyq qoǵamdyq birlestigi 2011 jyldan beri jumys istep keledi. Onyń basty baǵyty - jumyssyz áıelderdi jumysqa ornalastyrý. Birlestik bazasynda toqyma qaıta óńdeý boıynsha tigin sehy jumys isteıdi. 2019 jyly qoǵamdyq birlestik áleýmettik kásipkerlik jolymen júrýdi sheshti, "Eski zattardyń jańa ómiri" jobasyn ázirledi jáne "Áreket" jobasy aıasynda "Samruk-Kazyna Trust" Áleýmettik jobalardy damytý qorynan grant utyp aldy.

Grant qarajatyna ónerkásiptik tigin jabdyǵy satyp alyndy, ol jumys oryndarynyń sanyn keńeıtýge múmkindik berdi. Halyqtyń áleýmettik osal toptarynan 12 áıel jumysqa ornalastyryldy. Kásiporyn tósek-oryn jáne úı toqymasyn shyǵarýdy, sondaı-aq balalar kıimin tigýdi jolǵa qoıdy. Alaıda pandemııa óz áserin tıgizbeı qoımady. "Jiger" komandasy birden jaýap berdi: óndiris toqtaǵan joq, biraq qaıta jandandy. Endi kóp rettik qorǵanysh maskalaryn shyǵarý kerek dep sheshildi.

"Qatań karantındik sharalar qabyldanǵanǵa deıin biz sehta jumys istedik. Sapaly materıaldardy paıdalanyp, maskalar tigildi. Biz birden ónimniń bir bóligin qaıyrymdylyqqa – kóp balaly jáne az qamtylǵan otbasylarǵa, zeınetkerlerge tabystaımyz dep sheshtik", - deıdi "Jiger" QB jetekshisi Ajar Qydyralına.

789

Karantın kezinde 10 000 maska tigilip, 4 000 maska qaıyrymdylyqqa berildi, qalǵandary satyldy. Tabys materıal satyp alýǵa jáne seh qyzmetkerleriniń eńbegine aqy tóleýge jumsaldy.

"Tótenshe jaǵdaı rejımi jarııalanǵannan soń biz qyzmetkerlerdi úıden jumys isteýge jiberip, olarǵa tigin mashınkalaryn taratyp berdik. Biz úshin karantın laıyqty túrde jeńip shyqqan synaq boldy. Bizdiń qyzmetkerlerimizdiń eshqaısysy jumystan aıyrylyp, jumyssyz qalǵan joq", - deıdi Ajar Qydyralına.

Qazir maskalar shyǵarý toqtatyldy, al tigin sehynyń qyzmetkerleri dekor elementterin daıyndaýmen aınalysýda: olar óz qoldarymen boılyq jáne ústeldik shamdar, sebetter jasaıdy, sondaı-aq eski zattardy qaıta óńdeıdi jáne qalpyna keltiredi. О́ndiriletin ónim jergilikti turǵyndar arasynda satylady, ónimniń quny 8 000-nan 20 000 teńgege deıin, olardyń barlyǵy - eksklıýzıvti.

od

"Ásirese óńirlerde jumyssyzdyq máselesi ózekti bolyp qalýda jáne bul máseleni elemeý durys emes bolar edi. "Eski zattardyń jańa ómiri" jobasy adamdardy jumyspen qamtamasyz etýge baǵyttalǵan jáne munda halyqtyń áleýmettik jaǵynan osal toptarynan shyqqan áıelderge erekshe kóńil bólinedi. Jalaqy olarǵa satylatyn ónim esebinen beriledi. Áleýmettik kásipkerlik osylaı jumys isteıdi", - deıdi "Samruk-Kazyna Trust" Qorynyń resmı ókili Mıras Irgebaev.

"Jiger" QB-niń jospary - Taldyqorǵan qalasynyń jumyssyz azamattaryna jumys oryndaryn usynyp, óz óndirisin keńeıte otyryp, ári qaraı óse berý.

Sońǵy jańalyqtar

Dáriger keńesin onlaın túrde alýǵa bolady

Koronavırýs • Búgin, 22:00

Pnevmonııaǵa basqa ataý berilýi múmkin

Koronavırýs • Búgin, 21:40

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

О́z tanysyn tonap ketken ury ustaldy

Aımaqtar • Búgin, 14:30

Ustazdardan zańsyz aqsha jınalmaý kerek

Aımaqtar • Búgin, 12:32

Muhtar Shahanov aýyryp jatyr

Qazaqstan • Búgin, 11:56

Gongkongta mektepter qaıta jabylady

Álem • Búgin, 11:10

Uqsas jańalyqtar