Aımaqtar • 26 Maýsym, 2020

Pavlodarda 3250 túlek UBT tapsyrýǵa ótinish bergen

53 ret kórsetildi

Ýnıversıtet qabyrǵasynda pavlodarlyq túlekterdiń 9 legi testileýge qatysady, dep habarlaıdy pavlodarnews.kz tilshisi.

Toraighyrov University baspasóz qyzmetiniń málimdeýinshe, erejege sáıkes, qatysýshylardyń densaýlyǵy men qaýipsizdigi qatań baqylanyp, ýnıversıtet bazasynda túlekter 2 shildege deıin UBT tapsyrady.

"Búgin emtıhandy 251 túlek tapsyrýda. Tapsyrý pýnkti talapkerlerdi qabyldaýǵa tolyq daıyn. Memlekettik komıssııanyń, quqyq qorǵaý organdarynyń, TJ jáne medısınalyq kómek brıgadalary uıymdastyryldy. Dezınfeksııalyq túnel, sanıtaızerler, óńdeý quraldary, betperdeler jáne qolǵaptar daıyndaldy. Aýdıtorııalarda bakterısıdti quraldar men aýa resırkýlıatorlary ornatylǵan", - dedi baspasóz qyzmetinde.

Ata-analarǵa, muǵalimderge jáne basqa da úshinshi tulǵalarǵa ýnıversıtet aýmaǵyna kirýge tyıym salynǵandyqtan ent-online.kz saıtynda tapsyrý barysyn baqylaýǵa bolady.

Eske salaıyq, bıyl Pavlodar oblysynda mektep túlekteriniń sany 3772 adamdy quraıdy. Onyń 86,2 paıyzy, ıaǵnı 3250 túlek UBT-ǵa qatysýǵa ótinish berdi. Bıyl alǵash ret testileýge kirer aldynda tulǵalardy túrine qarap tanıtyn Face ID tehnologııasy qoldanylýda.

Osy ýaqytqa deıin oblysymyzda 17 test tapsyrýshydan tyıym salynǵan zat tabylyp, olardyń nátıjeleri joıyldy. Endi olar 1 jyl boıy JOO-ǵa túse almaıdy. Sondaı-aq aýdıtorııalardaǵy beınejazbalar 25 tamyzǵa deıin qaıta qaralyp, tyıym salynǵan zattardy paıdalanǵan túlekter anyqtalsa, olardyń da nátıjeleri joıylady.

Sonymen qatar, bıyl epıdemıologııalyq jaǵdaıǵa baılanysty UBT-ǵa daıyndyq qashyqtyqtan júrgizildi. UBT suraqtarynan 11-synyptyń 4-toqsanyndaǵy taqyryptardyń suraqtary alynyp tastaldy.

Aıta keteıik, bıyl UBT tapsyrǵandarǵa elektrondy sertıfıkat beriledi.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar