Aımaqtar • 26 Maýsym, 2020

"Jumyspen qamtýdyń jol kartasy" arqyly 150 myń teńgeden astam jalaqy alýǵa bolady

176 ret kórsetildi

Baǵdarlama boıynsha 3 myńǵa jýyq jumyssyz azamat jumyspen qamtyldy, dep habarlaıdy elorda ákimdiginiń resmı saıty.

Nur-Sultan qalasynda "Jumyspen qamtýdyń jol kartasy – 2020-2021" baǵdarlamasy sátti júzege asyrylýda. "Jol kartasy aıasynda 15 myń adam jumyspen qamtylady. Qazirgi ýaqytta baǵdarlama aıasynda 2 956 adam jumyspen qamtylǵan. Nysandarda jumysshylar óte qajet. Baǵdarlama boıynsha eń az jalaqy 85 myń teńgeni quraıdy. Biraq qazir qarapaıym jumysshy 150 myń teńgeden astam jalaqy alady", – deıdi qalalyq jumyspen qamtý ortalyǵynyń bólim bastyǵy Azamat Baıtasov. Qazirgi ýaqytta Beıbitshilik jáne Kelisim Saraıy kúrdeli jóndeýden ótýde. Munda jumysshylar óte qajet.

"Biz jumyspen qamtý ortalyǵynan 45 qyzmetker aldyq. Gıdrooqshaýlaý jumystary júrgizilýde. Jaýyn kezinde nysanǵa sý ketedi. Qazir bul olqylyqtar joıylýda", – deıdi Beıbitshilik jáne Kelisim Saraıy MKQK basshysy Dılbar Amırova.

"Jumyspen qamtýdyń jol kartasy – 2020-2021" memlekettik baǵdarlamasy ınfraqurylymdyq jobalardy júzege asyrýdy qarastyrady. Baǵdarlama aıasynda jumyspen qamtý ortalyǵy qajetti biliktilikke ıe kadrlardy irikteýmen aınalysady jáne ınfraqurylymdyq jobalar boıynsha jumys berýshilermen suhbatqa baǵyttaıdy. Jumyspen qamtý ortalyǵy qurylys, jóndeý, abattandyrý jáne kógaldandyrý salasyndaǵy jumystardy usynady.

Eske salsaq, Nur-Sultan ákimdiginiń jumyspen qamtý ortalyǵy azamattarǵa jáne jumys berýshilerge eńbek deldaldyǵy, jumyspen qamtýǵa járdemdesýdiń belsendi sharalary, jumyssyzdyqtan áleýmettik qorǵaýdy uıymdastyrý boıynsha memlekettik qyzmetterdi usynady. Sonymen qatar "Eńbek" jáne "Jumyspen qamtýdyń jol kartasy" memlekettik baǵdarlamalaryn júzege asyrady.

Sońǵy jańalyqtar

Uqsas jańalyqtar