Aımaqtar • 26 Maýsym, 2020

Elordada 1200 jas jumyspen qamtylady

11 ret kórsetildi

Karantın ýaqytynda “Jasyl el” jobasy boıynsha elordada 1200 jas jumysqa ornalasady, - dep jazady Egemen.kz

Bıyl Nur-Sultan qalasynda “Jasyl el” stýdenttik qurylys jáne eńbek jasaqtarynyń 16-shy eńbek maýsymy bastaldy.
2017, 2018, 2019 jyldardaǵy kvotaǵa sáıkes 975 adam jumyspen qamtylǵan. Jobanyń jastar arasyndaǵy suranysy eskerilip, aldaǵy 3 jylǵa kvota 1200 adamǵa deıin ulǵaıdy.

14-29 jas aralyǵyndaǵy jastar 3 sanat boıynsha jumys isteıdi: kópbalaly, áleýmettik az qamtylǵan otbasylarynan shyqqan 14-17 jas aralyǵyndaǵy balalar, 17-22 jas aralyǵyndaǵy JOO men kolledjder stýdentteri jáne 18-29 jas aralyǵyndaǵy jumyssyz azamattar.

14-17 jas aralyǵyndaǵy jastar kámelettik jasqa tolmaǵandyqtan, Eńbek kodeksine sáıkes, densaýlyqtaryna zııan tıgizbeıtin, aýyr emes, kúnine 4 saǵattan artyq emes jumysqa jumyldyrylady. Balalar elorda saıabaqtarynda, óz mektepteriniń aýlasyn kógaldandyrýǵa, mektepke qarasty aımaqtardy tazalaý jumystaryn atqarady.

17-22 jas aralyǵyndaǵy jastar “Astana ZelenStroı” kompanııasymen birlesip, qala saıabaqtarynyń kógaldanýyna úles qosýda.

Kámeletten asqan jastar eńbek kestesine sáıkes kúnine 8 saǵat jumys isteıdi. Olar qurylys nysandaryna da jumyldyrylǵan. Onda mamandardyń kómekshileri, ártúrli jumysshy retinde qyzmet etedi.

Jastar ózderi jumys isteıtin mekemedegi jalaqysyna qosa “Jasyl el” jobasynan qosymsha 35 myń teńge kóleminde syıaqy alady.
Árbir jaspen kelisimshart jasalyp, onda kórsetilgendeı qaýipsizdik talaptary mindetti túrde saqtalady. Jumys 10 maýsym kúni bastaldy. Endi 10 shildege deıin 1000-ǵa jýyq jas jumys isteıdi.

Karantınge baılanysty jumys talaptary biraz ózgerdi. Sanıtarlyq normalar men qaýipsizdik saqtaý maqsatynda jastardyń bir jerde shoǵyrlanyp jumys isteýine jol berilmeıdi, olardyń ara qashyqtyq saqtaýy betperde men qolǵap kııýi qatań qadaǵalanady.

Sońǵy jańalyqtar

Araq aýrýdan aıyqtyrmaıdy

Koronavırýs • 10 Shilde, 2020

Dáriger keńesin onlaın túrde alýǵa bolady

Koronavırýs • 10 Shilde, 2020

Pnevmonııaǵa basqa ataý berilýi múmkin

Koronavırýs • 10 Shilde, 2020

Qazir tek ómir men ólim bar - Bas sanıtar

Koronavırýs • 10 Shilde, 2020

Batysta "jasyryn esirtki zerthanasy" tabyldy

Aımaqtar • 10 Shilde, 2020

Koronavırýs indeti 3 kezeńnen turady

Koronavırýs • 10 Shilde, 2020

Uqsas jańalyqtar