Qazaqstan • 26 Maýsym, 2020

Altaı Kólginov elordalyqtarǵa úndeý jasady

392 ret kórsetildi

Nur-Sultan qalasynyń ákimi Altaı Kólginov koronavırýstyq ınfeksııaǵa baılanysty bas qalanyń turǵyndaryna úndeý jasady, dep habarlaıdy Egemen.kz

"Qurmetti qala turǵyndary! Tańdaý ýaqyty keldi. Sońǵy tórt aı ishinde bizdiń dárigerler kún saıyn koronavırýspen kúreste aldyńǵy shepte júr. Olar kúndiz-túni jumys isteıdi, tipti otbasylarymen birge bolýǵa da múmkindik bolmaıdy. Olar batyrlar, biraq qudiretti kúshtiń ıesi emes», dep jazdy A.Kólginov Facebook paraqshasynda.

Qazir naýqastardyń sany kóbeıip jatqandyqtan, aýrýhanalar men sport nysandaryna ǵımarattar daıyndalyp jatyr. Alaıda bárine dáriger jetispeıtindigin atap ótti.

Sondaı-aq búginde elordada 3500 dáriger men 8000 feldsher bar, qala halqynyń sany 1,2 mln. Al qońyraýlar sany 1-den 4 myńǵa deıin ósken. Osy aptadaǵy eń joǵary kórsetkish kúnine 4,3 myń adamdy quraǵan.

"Biz respýblıkalyq klınıkalarmen (Travmatologııa jáne ortopedııa ǵylymı-zertteý ınstıtýty, Ulttyq ǵylymı medısınalyq ortalyq, Green Clinic) ár qalalyq emhana úshin kompıýterlik tomografııa múmkindigin qamtamasyz etý týraly kelisimge qol qoıdyq. Bul pnevmonııany erte anyqtaýǵa múmkindik beredi. Sonymen qatar biz qosymsha KT jáne jeldetkishterdi de satyp alamyz", deıdi qala basshysy.

Onyń aıtýynsha, telemedısınany qoldaný tájirıbesi áli de jalǵasyn taýyp kele jatyr. Koronavırýstyń asımptomatıkalyq tasymaldaýshylaryn emdeý úshin medısına qyzmetkerleri beıneqońyraýlar jáne basqa da baılanys arnalary arqyly densaýlyqtaryn baqylaıdy. Sonymen birge ınfeksııanyń asımptomatıkalyq tasymaldaýshylarynyń barlyq máseleleri boıynsha keńester beredi. Sımptomdar paıda bolǵan jaǵdaıda naýqastar aýrýhanaǵa jatqyzylatyndyǵyn aıtty.

Sonymen qatar Altaı Kólginov: "Arnaıy sıtýasııalyq ortalyq jumys isteıdi. Onda mamandarylǵan qyzmetkerler bir mekemede adam tolyp ketpes úshin KVI-men aýyratyn naýqastardy aýrýhanalarǵa jiberedi. Bul barlyq aýrýhanalardyń jumysyn úılestirýge kómektesedi. Barlyq emhanalarda Call-ortalyqtar iske qosyldy. Munyń bári júktemeni azaıtady. Biz COVID-19 arnaıy saıtyn jasadyq, onyń kómegimen siz barlyq qajetti aqparatty siltemeler arqyly jáne keńester túrinde ala alasyz. Biz ony dúısenbide iske qosýdy josparlap otyrmyz", deıdi elorda ákimi.

Sońǵy sózinde qaýipsizdik erejelerine jaýapsyzdyqpen, qabyldanǵan barlyq sharalardy aınalyp ótý múmkin emestigin aıtty. Osylaısha medısına qyzmetkerlerine artylǵan aýyrtpalyqty odan ári arta túsetindigin tilge etti. Sondaı-aq adamdardyń qaýipsizdik sharalaryna degen jaýapsyzdyǵy dárigerlerdiń ómirin saqtap qalýǵa tańdaý jasamaýy kerektigin naqty aıtty.

Sońǵy jańalyqtar

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

Uqsas jańalyqtar