Qazaqstan • 26 Maýsym, 2020

1368 teńizshiniń jeke kýáligi berildi

113 ret kórsetildi

2010 jylǵy 12 naýryzdaǵy Zańmen Qazaqstan 2003 jylǵy 19 maýsymda Jenevada qabyldanǵan Teńizshilerdiń jeke kýálikteri týraly 1958 jylǵy Konvensııany qaıta qaraıtyn konvensııany ratıfıkasııalady, dep jazady Egemen.kz IIDM baspasóz qyzmetine silteme jasap. 

Konvensııa ekıpaj músheleri tarapynan qaýip-qater bolmaýyn jáne teńizde júzýdiń terrorızm aktilerinen qaýipsizdigin tekserý maqsatynda teńizshiniń jeke basyn sáıkestendirýge qoıylatyn talaptardy qatańdatýǵa baǵyttalǵan.

 

Teńizshiniń jeke kýáligi – halyqaralyq standarttyń mindetti qujaty. Onsyz ekıpaj músheleri úshin shetelderge júzetin Qazaqstan kemelerinde de, shetel kemelerinde de jumys isteý múmkin emes. Tıisinshe qazaqstandyq teńizshilerge teńiz kemelerinde jumys isteýge jáne sheteldik porttarda óz fýnksııalaryn júzege asyrý úshin jaǵalaýǵa barýǵa ruqsat etiledi.

 

Teńizshiniń jeke kýáligin qazaqstandyq teńizshilerge berýdi uıymdastyrý úshin 2014 jyly teńizshiniń jeke kýálikterin resimdeý, berý jáne baqylaý aqparattyq júıesi (budan ári - TJK AJ) quryldy.

 

2018 jylǵy jeltoqsanda "Aqparattandyrý týraly" QR Zańy talaptaryna sáıkes bul júıe (TJK AJ) ónerkásiptik paıdalanýǵa engizildi.

 

Kýálikti resimdeý jáne berý kezinde teńizshiniń jeke kýálikterin resimdeý, berý jáne baqylaýdyń aqparattyq júıesi TJK-de qamtylǵan onyń bıometrııalyq derekterin bıometrııalyq shablon (árbir qoldyń bir saýsaǵynyń izi) túrinde paıdalaný esebinen TJK ıesiniń jeke basyn verıfıkasııalaýdyń joǵary deńgeıin qamtamasyz etedi. Saýsaq izderin alý arnaıy Skanerdi paıdalaný arqyly júzege asyrylady.

 

Budan basqa, TJK AJ teńizshiniń berilgen jeke kýálikteriniń derekter bazasy júrgiziledi.

 

2020 jylǵy 25 maýsymdaǵy jaǵdaı boıynsha Qazaqstanda 1368 TJK berildi. Olar týraly málimetter elektrondyq derekqorǵa engizildi. 

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar