Aımaqtar • 27 Maýsym, 2020

M.Áıtenov epıdemııalyq jaǵdaıǵa baılanysty túsinikteme berdi

109 ret kórsetildi

Búgin aqparattyq-kommýnıkasııalyq ortalyǵynda qaladaǵy epıdemııalyq jaǵdaıǵa baılanysty brıfıng ótti. Baspasóz májilisine Shymkent qalasynyń ákimi Murat Áıtenov, qalalyq Densaýlyq saqtaý basqarmasy basshysy Rýstam Albaev, qalalyq Jedel járdem kórsetý stansııasy bas dárigeriniń orynbasary Sholpan Ospanova jáne jedel járdem dárigeri Arman Hamzın qatysty, dep jazady Egemen.kz

Brıfıngte eń alǵash sóz alǵan qala ákimi Murat Dúısenbekuly qaladaǵy epıdemıologııalyq jaǵdaı jáne ony qalypqa keltirý barysyndaǵy jumystar jóninde aıtty.
 
"Qurmetti qala turǵyndary! Respýblıkalyq deńgeıde Shymkent qalasy boıynsha túrli jańalyqtar júrip jatyr. Iаǵnı, Qaznette Shymkent qalasynda «naýqastar aýrýhana qaqpasyna jetpeı qaıtys bolyp jatyr jáne naýqastarǵa oryn joq» degen sekildi aqparattar taraýda. Osy jóninde arnaıy túsindirme bersem, búginde qalada 650 ınfeksııalyq tósek-oryn bar. Onyń ishinde juqpaly aýrýhanalarda 350, jańa salynǵan gospıtalda 200 jáne Atameken provızorly stasıonarda 100 oryn bar. Atalǵan eski juqpaly aýrýhanalar aýrýhanasynda 321 naýqas jatyr, gospıtalda 172 jáne Atameken provızorly stasıonarda 42 naýqas emdelýde. Al jalpy 115 oryn bos.
 
Odan bólek, qalada 1690 provızorly oryn bar. Onyń ishinde 1315-inde naýqastar em alýda, qalǵany bos. Iаǵnı, provızorly oryndardyń 77%-y paıyzy tolyp tur. Sol sebepti búgin 500 provızorly oryn ashamyz. Al jeksenbi kúni 200, dúısenbi kúni 500 provızorly oryn ashylady. Sondaı-aq 51 mekemede 628 tósek-oryndyq kúndizgi stasıonar ashtyq. Onyń 248-i bos. Atalǵan kúndizgi stasıonardaǵy bir oryn kúnine 5 adamdy qabyldaı alady. Al jumys ýaqyty tańǵy 08:00-den keshki 20:00-ge deıin (demalyssyz) isteıdi. Aıta keteıin, osy kúndizgi stasıonarlarda naýqastar tirkelgen emhanasy boıynsha tegin emdeledi. Halyqqa der kezinde medısınalyq kómek kórsetý úshin emhanalardyń jumysyn eki ese kúsheıtemiz", – dedi qala ákimi.
 
Atalǵan brıfıngte Shymkent qalalyq Densaýlyq saqtaý basqarmasy basshysy Rýstam Albaevtyń aıtýynsha, qalada koronavırýs ınfeksııasymen aýyryp jatqan 2084 naýqas tirkelgen. Onyń 45 paıyzy – sımptomsyz. Provızorly stasıonarlardyń tósek qory 89 paıyzǵa júktelgen. Al dári-dármektiń eki aılyq qory bar.
 
Brıfıng sońynda sóz alǵan qala basshysy Murat Dúısenbekuly qazirgi kezde medısına mamandaryna júktelgen mindettiń aýyr ekendigin alǵa tartyp, tynymsyz eńbek etip jatqan mamandardyń jumysyna túsinistikpen qaraýǵa shaqyrdy. Eń bastysy, qolaısyz epıdemııalyq jaǵdaıǵa baılanysty turǵyndarǵa saqtyq sharalaryn qatań ustaný qajet ekendigin eskertti. 
Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar