Aımaqtar • 27 Maýsym, 2020

Qaraǵandyda BAQ ókilderi "Altyn suńqar" syılyǵyna ıe boldy

126 ret kórsetildi

Kenshiler astanasynda buqaralyq aqparat quraldary qyzmetkerleriniń kásibı merekesi qarsańynda Qaraǵandy oblysy ákiminiń "Altyn suńqar" syılyǵy tabys etildi, – dep habarlaıdy Egemen.kz

Atalǵan syılyqpen óńirlik medıa salasynyń úzdik qyzmetkerleri 2006 jyldan beri marapattalyp keledi. Osy ýaqyt aralyǵynda "Altyn suńqar" syılyǵymen 192 jýrnalıst pen bes BAQ ujymy marapattalǵan eken.

Bıylǵy baıqaýda 120 úmitker baq synady. Olardyń ishindegi eń úzdikterdi arnaıy qurylǵan baıqaý komıssııa músheleri tańdady.

Bul joly karantındik shekteýlerge baılanysty ádettegideı saltanatty is-sharadan bas tartýǵa týra keldi. Onyń ornyna laýreattardy marapattaýdyń telenusqasy Saryarqa oblystyq telearnasynyń efırinen kórsetildi.

Oblys ákimi Jeńis Qasymbek buqaralyq aqparat quraldarynyń qyzmetkerleri men jýrnalıstıka ardagerlerin kásibı merekemen quttyqtap, qazirgi qalyptasqan kúrdeli jaǵdaı kezeńinde adamdarǵa shynaıy aqparatty jetkizýge jáne úreıge jol bermeýge kómekteskenderi úshin alǵys sezimin jetkizdi.

Budan soń óńir basshysy konvertti ashyp, "Qaraǵandy jýrnalıstıkasyn damytýǵa qosqan úlesi úshin" arnaıy syılyǵynyń ıegerin atady. Bul marapatqa bıyl shyǵa bastaǵanyna 90 jyl tolǵan aýdandyq "Qarqaraly" gazetiniń ujymy ıe boldy.

Oblys ákiminiń syılyǵyna qalǵan 10 atalym boıynsha myna jeńimpazdar  ıe boldy:

Batyrbek Myrzabekov, Ulytaý aýdanynyń jýrnalıstıka ardageri, Qazaqstannyń qurmetti jýrnalısi, Qazaqstan Jazýshylar odaǵynyń múshesi – "Mamandyǵyna adaldyǵy úshin";

Lázzat Qojahmetova, "Aıqyn" respýblıkalyq gazetiniń menshikti tilshisi – "Belsendi ómirlik ustanymy úshin";

Oleg Bıtner, 101TV.KZ qoǵamdyq ınternet-teledıdarynyń operatory jáne foto tilshisi – "Obektıv sheberi";

Saltanat Baltabaı, "Jańaarqa" aýdandyq gazetiniń tilshisi – "Aýyl taqyrybyn úzdik jarııalaý";

Maqpal Orynbetova, "Dıdar" telearnasy dırektorynyń keńesshisi, bas prodıýser – "Áleýmettik taqyrypty úzdik jarııalaý";

Botabek Tilegenov, Saryarqa oblystyq telearnasynyń redaktory – "О́ndiris taqyrybyn úzdik jarııalaý";

Anna Strokova, "Ekaraganda.kz" aqparattyq agenttiginiń tilshisi – "Alǵashqy tabystary úshin";

Jaslan Isa, "Birinshi Qaraǵandy" telearnasynyń dırektory – "Jyldyń úzdik shyǵarmashylyq jumysy";

Maral Áınekova, "Ortalyq Qazaqstan" oblystyq gazetiniń aǵa dızaıner-bet qattaýshysy – "Máner men atqarymdylyq úshin";

Farhat Kenjetaev, "Indýstrıalnaıa Karaganda" oblystyq gazetiniń tilshisi – "Eńbek adamy" taqyrybyn úzdik jarııalaǵyny jáne nasıhattaǵany úshin";

Qasymhan Ǵalym, "Ortalyq Qazaqstan" oblystyq gazetiniń tilshisi – "Din taqyrybyn úzdik jarııalaǵany úshin".

Jeńimpazdarǵa aqshalaı syılyq jáne dıplomdar men estelik músinsheler tabys etildi.

Qaraǵandylyq BAQ ókilderin "Egemen Qazaqstan" RG AQ Basqarma Tóraǵasy Darhan Qydyráli, Parlament Senatynyń depýtaty Nurtóre Júsip, "Astana" telearnasynyń bas dırektory Qurmanbek Jumaǵalı beıne kórinis arqyly quttyqtady.

 

Sońǵy jańalyqtar

Júıeli jumystar qolǵa alynýy kerek

Parlament • Búgin, 13:45

Akademık Edil Erǵojın ómirden ótti

Qazaqstan • Búgin, 12:30

Amandyq Batalovtyń jaǵdaıy aýyr ma?

Aımaqtar • Búgin, 12:25

Elbasy Altaıǵa at basyn burǵan sát

Aımaqtar • Búgin, 10:48

Loýkoster quny qaltany qaqpaıdy

Aımaqtar • Búgin, 08:20

Jetinshi maýsymnyń jetistigi

Rýhanııat • Keshe

Uqsas jańalyqtar