Úkimet • 28 Maýsym, 2020

Vıdeodaıdjest: "Aptanyń aıshyqty oqıǵalary" №67

30 ret kórsetildi

2020 jylǵy 22-28 maýsym aralyǵyndaǵy aptanyń aıshyqty oqıǵalary týraly vıdeodaıdjest jarııalandy. Bul týraly Premer-Mınıstrdiń Baspasóz qyzmetine silteme jasaı otyryp Egemen.kz habarlaıdy.

23 maýsymda QR Premer-Mınıstri Memleket basshysynyń tóraǵalyǵymen ótken BIZ BIRGEMIZ jalpyulttyq onlaın forýmyna qatysty. Qasym-Jomart Toqaev óz sózinde álemniń barlyq eli, onyń ishinde Qazaqstannyń da koronavırýs indetine qarsy kúresip jatqanyn aıtty. Osyǵan oraı, memleket tarapynan asa mańyzdy sharalar qolǵa alyndy.

Dúısenbi kúni QR Premer-Mınıstri Parlamenttiń qos palatasy depýtattarynyń birlesken otyrysynda Úkimettiń 2019 jylǵy jumysy jáne ekonomıkany odan ári damytý boıynsha qabyldanyp jatqan sharalar týraly esep berdi. Úkimet basshysy munaıǵa álemdik baǵanyń tómendeýine jáne syrtqy ekonomıkalyq konıýnktýranyń nasharlaýyna qaramastan, 2019 jyldyń qorytyndysy boıynsha Qazaqstan ekonomıkasynyń sońǵy 6 jyldaǵy eń joǵary ósimi – 4,5%-ǵa qol jetkizilgenin atap ótti.

26 maýsymda A.Mamın "Nur Otan" partııasy fraksııasynyń keńeıtilgen jıynyna qatysyp, "Nur Otan" partııasynyń saılaýaldy baǵdarlamasyn júzege asyrý nátıjeleri týraly esep berdi.

Seısenbi kúni QR Premer-Mınıstriniń tóraǵalyǵymen ótken Úkimettiń kezekti otyrysynda bıznes ahýaldy jaqsartý jónindegi sharalar jáne jylytý maýsymyna daıyndyq barysy qaraldy. Úkimet basshysy barlyq óńirdiń kásipkerlerimen máseleni talqylaý qorytyndysy boıynsha bıznesti qoldaý jónindegi 43 qosymsha sharadan turatyn Is-sharalar jospary ázirlengenin atap ótip, memlekettik organdar men ákimdikterge barlyq josparlanǵan is-sharalardyń oryndalýyn qamtamasyz etýdi tapsyrdy. Ekinshi suraqty qaraý kezinde Asqar Mamın óńirlerdiń ákimdikterine aldaǵy jylytý maýsymyna sapaly daıyndyq sharalaryn kúsheıtýdi, barlyq josparlanǵan jóndeý jumystaryn ýaqytyly aıaqtaýdy jáne turǵyn úı-kommýnaldyq sharýashylyq, densaýlyq saqtaý jáne áleýmettik salanyń barlyq nysanynyń jylytý maýsymyna daıyndyǵyn qamtamasyz etýdi tapsyrdy.

Beısenbi kúni Asqar Mamın Memleket basshysynyń Jarlyǵymen taǵaıyndalǵan mınıstr Alekseı Soıdy Densaýlyq saqtaý mınıstrliginiń ujymyna tanystyrdy. Premer-Mınıstr koronavırýs pandemııasymen kúres jaǵdaıynda halyq densaýlyǵyn saqtaý boıynsha densaýlyq saqtaý júıesiniń aldynda turǵan mindetterdi sheshýdiń mańyzdylyǵyn atap ótti.

Sársenbi kúni QR Premer-Mınıstri Asqar Mamınniń tóraǵalyǵymen Qazaqstan Respýblıkasy Prezıdenti janyndaǵy "Jasyl ekonomıkaǵa" kóshý jónindegi keńes otyrysy ótti. Otyrysqa qatysýshylar qaldyqtardy basqarý júıesin jaqsartý, jańartylatyn energııa kózderin damytý, eldi mekenderdi gazdandyrý jáne «taza» kólikti damytý arqyly aýanyń lastanýyn tómendetý máselelerin qarady.

Sol kúni QR Premer-Mınıstri Asqar Mamın QR Prezıdenti janyndaǵy Sıfrlandyrýdy engizý máseleleri jónindegi komıssııa otyrysyn ótkizdi. Úkimet basshysy Indýstrııa jáne ınfraqurylymdyq damý mınıstrligine bir aı merzimde Indýstrııa 4.0 elementterin damytý jáne "Modeldi sıfrlyq fabrıkalar" jobasyn keńeıtý boıynsha retteýshi jáne yntalandyrýshy sharalar kesheni boıynsha is-sharalar josparyn ázirleýdi tapsyrdy.

 
Sońǵy jańalyqtar

Uqsas jańalyqtar