Aımaqtar • 28 Maýsym, 2020

Soltústik Qazaqstanda mal urlyǵy birshama azaıdy

17 ret kórsetildi

Bıyl Soltústik Qazaqstanda mal urlyǵy birshama azaıyp otyr. Naqty aıtsaq jyl basynan 16 mal urlyǵy tirkelgen. Al ótken jyldyń sáıkes merziminde 41 urlyq bolǵan edi. Sanǵa salsaq urlyq 61%  azaıǵan, dep jazady Egemen.kz

Buǵan polısııa qyzmetkerleriniń jergilikti atqarýshy bılik ókilderiniń kómegimen mal ıesi, baqtashy jáne jergilikti ózin ózi basqarý ókilderimen birlesip jasaǵan úshjaqty kelisimdi jasatqyzǵany paıdasyn tıgizip otyrǵan sııaqty. Bul kelisim taraptardyń jaýapkershilikterin qarastyrǵan, eger mal urlyǵy osylardyń biriniń óz mindettemelerin oryndamaǵanynan bolsa, negizgi jaýapkershilik sonyń moınyna artylady. Sonyń ishinde mal ıesi baqtashynyń aldyna malyn salyp beredi, al malshy jergilikti ózin ózi basqarý organdarynyń belgilegen jerine maldy jaıady. 

Eger osy aradan mal joǵalsa baqtashy kináli, al baqtashyǵa bermeı, qorasynan joǵaltsa, ıesiniń ózi kináli, mal baǵatyn jer belgilenbese, jergilikti ózin ózi basqarý organy kináli bolyp tabylady. Oblystyń Aqqaıyń, Mamlıýt, Tımırıazev, Ǵ.Músirepov  jáne Shal aqyn aýdandarynda osy tájirıbe tııanaqty qoldanylyp edi, bulardaǵy mal urlyǵy tipti sıredi. Qysqasy, jaýapkershilik naqty bolsa, saqtyq sonshalyq jiti bolatynyn ómir kórsetip otyr.

"Baqtashynyń kelisim-shartqa qol qoıyp, jaýapkershiligin arttyrý – maldyń jaıylymnan joǵalýyn tómendetýde. Osylaı uıymdastyrylǵan túrde baǵý, sondaı-aq malǵa tańba salý kóptegen problemadan qutqarady. Bul baǵytta aqparattandyrý jumystaryna zor mán berilýde", deıdi SQO PD bastyǵynyń orynbasary, polısııa polkovnıgi Rýslan Nazarov.

Sonymen qatar maldyń egistikke túsýi, qorǵalǵan shabyndyqty búldirýi, túrli ekpelerdi taptaýy da baqtashyǵa qosymsha jaýapkershilik júkteıdi. Qańǵyryp, bosyp ketken mal jol-kólik oqıǵalarynyń jasalýyna da sebep bolyp jatady. Sondyqtan baqtashynyń jaýapkershilik júgi aýyrlaı túsetini kelisimde qatty eskertilgen.

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

COVID-19: Hattamaǵa ózgeris qajet pe?

Qazaqstan • Búgin, 09:25

Uqsas jańalyqtar