Qoǵam • 28 Maýsym, 2020

"Baqytty otbasy" sertıfıkatyna kimder úmitti?

40 ret kórsetildi

Memlekettik baǵdarlamanyń qatysýshylaryna turǵyn úı sertıfıkattaryn berýge ótinishter qabyldanyp jatyr. Bul týraly "Atameken" UKP baspasóz qyzmetine silteme jasaı otyryp Egemen.kz habarlaıdy.

Qazirgi tańda memleket atynan turǵyn úı sertıfıkattary "Baqytty otbasy" ıpotekalyq baǵdarlamasyna qatysýshy azamattarǵa úlestirilýde. Atalǵan baǵdarlama boıynsha ıpotekalyq nesıe 2 paıyzben 20 jylǵa deıingi ýaqytqa beriledi.

Sondaı-aq alǵashqy jarna baspana qunynyń 10 paıyzy bolýy tıis. Oǵan kópbalaly, tolyq emes jáne múmkindigi shekteýli bala tárbıelep otyrǵan otbasylar qatysa alady. Sáıkesinshe, turǵyn úı sertıfıkattary da osy sanattaǵy turǵyndarǵa beriledi. Pavlodar qalalyq jumyspen qamtý jáne áleýmettik baǵdarlamalar bólimi basshysynyń orynbasary Larısa Kýzmenovanyń aıtýynsha, bıyl 29 sáýirde turǵyn úı sertıfıkattaryn berý erejesine ózgerister engizilgen.

"Memlekettik qyzmettiń naqty merzimderi men tapsyrylatyn qujattar tizilimi bekitildi. Buryn sertıfıkat tek jańa úıler satyp alýǵa berilse, endi qaıtalama naryqtan alynatyn baspanalarǵa da úlestirilmek. Qujatta joǵaryda atalǵan sanattardan bólek, bilim berý, densaýlyq saqtaý, mádenıet, sport salasynda suranysqa ıe mamandar, áleýmettik qamsyzdandyrý, quqyq qorǵaý organdarynyń qyzmetkerleri, memlekettik qyzmetshiler de turǵyn úı sertıfıkaty beriletinder qataryna kirgizildi. Biraq olar "7-20-25" baǵdarlamasy arqyly baspanaly bolǵanda bul kómekti ala alady. Atalǵan baǵdarlama aıasynda sertıfıkattar úlestirý jyldyń ekinshi jartysynan keıin bastalmaq", – deıdi Larısa Kýzmenova.

"Baqytty otbasy" baǵdarlamasyna qatysýshylar sertıfıkatqa ótinish bererge deıin olardyń ıpotekalyq nesıesi maquldanǵan bolýy tıis. Sondaı-aq satyp alatyn naqty páterdiń de belgili bolýy shart.

"Aıta ketý kerek, sertıfıkattyń eki túri bar. Birinshisi – qaıtarymsyz áleýmettik kómek retinde beriledi. Onyń kólemi bastapqy jarnanyń 100 paıyzy kóleminde, biraq, 1 mln teńgeden aspaıdy. Mundaı sertıfıkat alýǵa otbasynyń tabysy onyń múshelerine shaqqanda árqaısysyna kúnkóris mınımýmynyń eki eselengen mólsherinen aspaýy talap etiledi. Bul – 65 376 teńge. Al otbasynyń árbir múshesine kiris kólemi atalǵan somadan joǵary bolsa, onda "Baqytty otbasy" qatysýshysyna turǵyn úı sertıfıkatynyń basqa túri – bıýdjettik nesıe beriledi. Iаǵnı memlektettiń qaıtarymdy áleýmettik qoldaýy. Onyń mólsheri bastapqy jarnanyń 50 paıyzyn quraıdy, alaıda 1 mln teńgeden aspaıdy. Bıýdjettik bul nesıe turǵyndarǵa 15 jylǵa deıin 0,01 paıyzben beriledi", – deıdi ol.

Turǵyn úı sertıfıkatyn alý úshin azamattar Pavlodar qalasy ákiminiń atyna belgilengen tártiptegi ótinish jazýy kerek. О́tinish berýshiniń jeke kýáligi, balalarynyń týý týraly kýálikteri, otbasynyń sońǵy alty aıdaǵy tabysy týraly anyqtama, ıpotekalyq nesıeniń bankte maquldanǵany týraly anyqtama tapsyrady.

Ol anyqtamada azamattyń alatyn naqty baspanasy, bastapqy jarnanyń mólsheri jáne aı saıynǵy tólemi kórsetilýi tıis. О́tinish úsh kún ishinde qaralyp, turǵynǵa jaýap beriledi. Iаǵnı maquldanǵany nemese maquldanbasa, sebebi kórsetilip, hat jiberiledi.

"Bıyl qalalyq bıýdjetten atalǵan turǵyn úı sertıfıkattaryn úlestirýge 93,4 mln teńge bólindi. Oǵan qosa, bıýdjettik nesıeler berýge 200 mln teńge qarastyrylyp otyr. Árıne, qajettilik týyndap, suranys artsa, beriletin sertıfıkattar sany qaıta qaralýy múmkin. Qazirgi tańda 17 adam ótinish bildirdi. Byltyr qalamyzda 37 bıýdjettik nesıe berilgen bolatyn", – deıdi Larısa Kýzmenova.

Sońǵy jańalyqtar

Dáriger keńesin onlaın túrde alýǵa bolady

Koronavırýs • Búgin, 22:00

Pnevmonııaǵa basqa ataý berilýi múmkin

Koronavırýs • Búgin, 21:40

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

О́z tanysyn tonap ketken ury ustaldy

Aımaqtar • Búgin, 14:30

Ustazdardan zańsyz aqsha jınalmaý kerek

Aımaqtar • Búgin, 12:32

Muhtar Shahanov aýyryp jatyr

Qazaqstan • Búgin, 11:56

Gongkongta mektepter qaıta jabylady

Álem • Búgin, 11:10

Uqsas jańalyqtar