Oqıǵa • 29 Maýsym, 2020

Jýrnalıstıka jampozdary marapattaldy

18 ret kórsetildi

Senbide Prezıdent Ákimshiligi Basshysynyń birinshi orynbasary Dáýren Abaev Memleket basshysy Qasym-Jomart Toqaevtyń BAQ qyzmetker­lerin kásibı merekesimen quttyq­taýyn jetkizip, syılyqtary men granttaryn tabystady.

Eń aldymen Dáýren Abaev Memleket basshysynyń izgi tilegin jýrnalıster qaýymyna jetkiz­di. «Sizderdiń jazǵan árbir maqa­la­laryńyzda, daıyn­daǵan sıýjet­terińizde eldiń muńy men muq­tajy, oıy men pikiri, talaby men tilegi, qoǵam damýynyń tynysy aıqyn kórinis taýyp otyr. О́ıtkeni jumys barysynda jurtpen etene aralasyp, «Halyq únine qulaq asatyn memleket» qaǵıdatyn júzege asyrýǵa zor eńbek sińirdińizder. Sonymen qatar kásibı biliktilikterińiz arqyly memleketimizdiń kósh basyndaǵy órkenıetti elderdiń qataryna qosylýy úshin ólsheýsiz úles qosyp kelesizder», delingen Prezıdent quttyqtaýynda.

Qasym-Jomart Toqaev pande­mııa kezinde densaýlyq saqtaý, quqyq qorǵaý salalarynyń qyzmet­kerlerimen bir qatarda tynymsyz jumys istegen jýr­nalısterdiń eń­begin erekshe atap ótken. Odan soń Dáýren Abaev Prezıdent syılyǵy men grantyn tabys­tap, alǵy­syn alǵan shyǵarmashylyq ujym­dardy quttyqtady.

Qazaqstan Respýblıkasy Prezı­­denti­niń buqaralyq aqparat qural­dary salasyndaǵy syılyqtary «Egemen Qazaqstan» respýblıkalyq gazeti» AQ basqarma tóraǵasy Darhan Qydyr­álige, «Qazaq ádebıeti» gaze­ti­niń bas redak­tory Dáýren Qýatov­qa, «Jetisý» tele­ar­­nasy­nyń dı­rek­tory Serik Sary­­baıǵa, «Habar» telearnasynyń talda­ma­lyq baǵdarlamalar bóliminiń shef-re­daktory Aleksandr Trýhachevke tabystaldy.

Al Qazaqstan Respýblıkasy Prezı­dentiniń buqaralyq aqparat qural­dary salasyndaǵy granttary «Qazaq­stan» ulttyq telearnasynyń tilshisi Al­bına Áshimge, «Habar» telearnasy tal­d­a­malyq baǵdarlamalar bóliminiń til­shisi Maqpal Madııarovaǵa, «Semei» tele­ar­nasynyń redaktor-telejúr­gizý­shisi Marjan Nuryshevaǵa, «Azat­tyq rýhy» aqparat agenttiginiń shyǵarýshy redak­tory Jandos Smaılovqa berildi.

Qazaqstan Respýblıkasy Prezı­denti­niń buqaralyq aqparat quraldary sala­syndaǵy Alǵysymen «Ana tili» gazetiniń, «QazAqparat» halyqaralyq aq­parat agenttiginiń, «Kazahstanskaıa prav­da» respýblıkalyq gazetiniń, «Qazaq­stan» ulttyq telearnasynyń Mań­ǵys­taý oblystyq fılıalynyń shyǵar­ma­shylyq ujymdary marapattaldy.

Sonymen qatar Prezı­dent Alǵys hatyn «Aıqyn» respýblıkalyq qoǵam­dyq-saıası gazeti saıty­nyń redaktory Asqar Bek, «QazAqparat» HAA mýl­­tımedııalyq kontent bóliminiń basshysy Dýlat Nýrkın, «Qazaq radıolarynyń» redaktor-júrgizýshisi Baǵdagúl Rah­met­­qyzy, «Habar» tele­arna­synyń tilshisi Gúljan Marqabaeva, «Kazahstanskaıa pravda» respýblıkalyq gazetiniń» sholý­shysy Elena Levkovıch, «Astana aq­sha­my» gazetiniń shef-redaktory Tólen Tileýbaı, «Eýrazııa birinshi» tele­­­ar­­na­synyń tilshisi Aıdana Úsenbaı aldy.

– Búgingi marapattaryńyz qutty bolsyn! Sizder buǵan ábden laıyqsyzdar. Elimizdiń barlyq jýrnalısin kásibı merekemen quttyqtaımyn! Qadamdaryńyz qutty, qalamdaryńyz júırik bolsyn! Elimizdiń damýy úshin aqparat salasynda aıanbaı eńbek ete berińizder, – dedi Dáýren Abaev.

 

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar