Qoǵam • 29 Maýsym, 2020

Shaǵyn aýylǵa aralas mektep kerek pe?

57 ret kórsetildi

Maı aýdanyndaǵy Maıtúbek aýylyndaǵy mektep ǵımaraty 1969 jyly qoldanysqa berilgendikten tozyǵy jetip tur. Jyl saıyn kúrdeli jóndeýden ótedi. Aýdandyq ákimdik bıyl jazda úlgerse mektep ishine dárethanalar ornatylyp, jylý qazan­dyqtary aýystyrylmaq.

Mektep dırektory Láıla Eleýkeevanyń aıtýynsha, 2001 jyly mektep bitirgen túlekter demeýshilik jasap «Mektebime taǵzym» sharasy barysynda shahmat kabınetin, 2002 jylǵy túlekter dombyra synybyn ashyp beripti.

 Ońtústikten soltústikke qonys aýdarý baǵ­dar­lamasymen Taraz qalasynan kóship kelgen Samal Moldabaevanyń Islam, Jeńis, Ikram, Me­reı esimdi balalary oqýshylardyń ortasyna qosyldy.

Byltyr «Dıplommen – aýylǵa!» baǵdarlamasy boıynsha ınformatıka pániniń muǵalimi Rıza Jumasheva, eńbek pániniń muǵalimi Mahabbat Oralbekqyzy aýylǵa kelip, muǵalimder sany 22-ge jetti.

Bári jaqsy-aq delik, biraq túıt­kil nede degenge keleıik. Maıtúbek aýylyndaǵy shaǵyn jınaqty mektep aralas, qazaq jáne orys tilderinde bilim beredi. Mektepte 77 oqýshy oqıtyn bolsa, olardyń 57-i qazaq balasy eken. Birinshi synypta 9 oqýshy bar. 62 oqýshy qazaq tilinde, 15 oqýshy orys tilinde oqıdy. Mektep janyndaǵy shaǵyn ortalyqta 18 bala tárbıelenýde. Al endi aýylda turatyn ózge etnos ókil­­deriniń balalary Anton, Krıs­tına Bokktar, Aılın Voro­shılova, Darıa Stepanova, Ilıa Volo­shok, Faızýlla Sýltanov, Vladı­mır Bolshakov, Malıka Ýmarhad­jıeva­lar qazaq tilinde oqıdy.

– Orys tilinde oqıtyn bala­larǵa kimder sa­baq beredi?, – degen suraǵymyzǵa mektep dırek­tory «qazaq tilinde sabaq beretin muǵa­limder eki jaqqa birdeı úlgeredi», dep jaýap berdi.

Shalǵaı aýyldaǵy aralas mektep máselesi árıne, tańǵalarlyq shetin jaǵdaı. Shaǵyn aýylǵa shaǵyn jı­naq­ty aralas mektep ne úshin qajet? Aýyl balasy qalaı bilim­di bolmaq? Jáne bul túıtkil jal­ǵyz Maıtúbek aýylynda ǵana emes ekeni belgili, óńirdegi basqa da aýyl­darda áli de eshqandaı tıim­diligi joq osyndaı aralas mektepter qatary azaıar emes.

 

Pavlodar oblysy,

Maı aýdany

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

COVID-19: Hattamaǵa ózgeris qajet pe?

Qazaqstan • Búgin, 09:25

Uqsas jańalyqtar