Kásipqoı boks • 29 Maýsym, 2020

Úlken sportqa qaıta oraldy

26 ret kórsetildi

Kásipqoı boksta álemniń eks-chempıony atanǵan argentınalyq boksshy Serhıo Martınes alty jyldyq úzilisten soń, sharshy alańǵa qaıta oralatynyn málimdedi. Boksshy karerasyndaǵy sońǵy jekpe-jegin 2014 jyly ótkizip, Mıgelıý Kottodan jeńilip qalǵan edi.

45 jastaǵy Martınes Argentınanyń Kılmes qalasynda dúnıege kelgen. 20 jasyna deıin ol velosport jáne fýtbolmen kásibı túrde shuǵyldanǵan. Keıinnen boks sportyna den qoıyp, 1997 jyly Argentına quramasymen birge álem chempıo­natyna qatysqan. Biraq birinshi aınalymda Rýmynııanyń dańqty boksshysy Adrıan Dıakonýǵa ese jibergen. Sol jyldyń jel­toqsanynda kásipqoı boksqa aýysyp, alǵash­qy aıqasyn jeńispen bastaǵan.

Serhıo Martınes búginge deıin kásipqoı boksta 56 kezdesý ótkizip, onyń 51-inde jeńiske jetken. Sondaı-aq eki ret teń túsip, 3 márte jeńilgen. 2013 jyly ol brıtanııalyq Rıchard Ýılıamsty jeńip, orta salmaqtaǵy IBO tujyrymy boıynsha álem chempıony atandy. Sondaı-aq Martınes brıtanııalyq Martın Mıýrreı, Met Makklın, meksıkalyq kishi Hýlıo Sezar Chaveske qarsy tıtýldy jekpe-jek ótkizip, barlyǵyn tize búktirgen.

Aıta keteıik, Serhıo Martınes 22 tamyzda Ispanııada ótetin boks keshinde óner kórsetpek. Ázirge qarsylasy belgisiz. 

 

 

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar