Aımaqtar • 29 Maýsym, 2020

Juqpaly aýrýdyń oshaǵy kóbeıdi

36 ret kórsetildi

Tótenshe jaǵdaıdyń alǵash­qy kezeńinde karantındik shekteý sharalary Petropavlda tıimdiligin kórsetip, naýqasqa shaldyqqandar sany qyryqtan tómendegen edi. Qazir kerisin­she órlep tur. Kúnine 30-50 shamasynda adam dertke shal­dyǵady.

Juqpaly dertti al­ǵash­qy ka­ran­tındik sharalar aıaq­talǵan kezde shekaranyń ashylýymen Reseıden jerles­terimiz ákelgen bolsa, qazir respýblıkanyń ishin­degi qozǵa­lystardyń nátı­jesinde de kó­beıip jatyr. Aýrý­­dyń taralý oshaqtary ha­lyq kóp jınalatyn jerlerde.

Qazirgi kezeńniń ereksheligi, aýdan ortalyqtary men aýyl­dyq jerlerde de aýrý órship tur. Alǵashqy kezeńde mundaı jaǵdaı múlde baıqalmaǵan edi. Sonyń kesirinen Aıyrtaý, Aqjar, Sh.Ýá­lıhanov, Ǵ.Mú­sirepov jáne Taıynsha aýdan­dary tolyǵymen karan­tın­ge jabylyp, blok-be­ket­ter qoıyldy. Shal aqyn aýda­­nyn­daǵy Jańajol men M.Ju­mabaev aýdanyndaǵy Taman aýyl­dary da karantınge jabyldy. Qa­zir oblystaǵy syrqatqa ushy­raǵandar sany 700-den asty jáne bul toqtaýsyz ósýde.

Soltústik Qazaqstan obly­synyń taýarlar men qyz­met­terdiń qaýipsizdigi men sapasyn baqylaý departamenti­niń bastyǵy, bas sanıtarlyq dári­ger Serikbaı Qasmaqasov pen Petropavl qalasy ákiminiń oryn­basary Asqar Habıbýlın ob­lys pen qaladaǵy indetke qarsy kúres týraly baıandady. S.Qasmaqasov demalys kúnderi qaladaǵy barlyq sýper jáne gıpermarketter jabylatynyn eskertti. «Halyqtyń jumys pen dárihanaǵa jáne úıiniń mańyndaǵy azyq-tú­lik dúkenderine ǵana barýy­na ruqsat etiledi. Barlyq saý­­da oıyn-saýyq oryndary, dinı mekemeler, demalys park­teri, jaǵajaılar, bız­nes ortalyqtary, bazarlar, qo­ǵam­­dyq monshalar men saý­na­­lar jabylady, qoǵamdyq kó­lik­­tiń júrýi toqtatylady. Pá­ter ıeleri kooperatıvteriniń bas­shy­­laryna osy kúnderi aýlalardy, balalar oınaıtyn alań­dardy, avtoturaqtardy dezınfeksııalaý usynylady», dedi ol. Sonymen birge adam­dardyń bir-birinen qashyq bolýy, qol­daryn únemi jýyp oty­rýy, ystyqtaryn jıi ól­shep turýy suralatynyn jet­kizdi. «Osy shekteýlerdi qat­ty saqtaǵanda ǵana biz dert­ti quryqtaı alatyn bola­myz. Sondyqtan biz­diń ta­laptarymyzǵa túsinis­tik­pen qarańyzdar», dedi S.Qas­maqasov.

Qala ákiminiń orynbasary Asqar Habıbýlın osy talaptardy oryndamaǵan zańdy tulǵalar men jeke tulǵalarǵa aıyppul salynatynyn jet­kizdi. Qazirdiń ózinde 16 mate­rıal jınalyp, is sotqa ót­kizýge daıyndalýda dedi ol. «Jattyǵý zaldaryna jasy­rynyp barǵysy keletin adam­darǵa, otbasylyq sharalardy esikterin jaýyp alyp ót­kizgisi keletin dámhanalar men meıramhanalarǵa da aıyp­­pul salynatynyn es­ker­­­te­min. Qa­zirdiń ózinde 4 meı­­ramha­na­nyń jumysy toq­ta­ty­lyp, lı­senzııasyn qaı­taryp aldyq. Osynyń bári ha­lyqtyń den­saýlyǵyn saqtaý úshin jasalyp jatqan qatań sharalar, sondyqtan ondaılarǵa tur­ǵyn­dar túsinistikpen qaraýy kerek», dedi A.Habıbýlın.

Sonymen birge dertti tara­tý oshaqtary HQKO men ba­la­baqshalardan shyqqany da bel­gili bolǵan. Sondyqtan HQKO onlaın rejimde jumys is­teýge kóshirilgen. Qalanyń tórt balabaqshasy karantınge jabylǵan. Bir dúken, bir su­lý­­lyq salonyna aıyppul sa­lynǵan.

 

Soltústik Qazaqstan oblysy        

 

Sońǵy jańalyqtar

Araq aýrýdan aıyqtyrmaıdy

Koronavırýs • Búgin, 22:20

Dáriger keńesin onlaın túrde alýǵa bolady

Koronavırýs • Búgin, 22:00

Pnevmonııaǵa basqa ataý berilýi múmkin

Koronavırýs • Búgin, 21:40

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

О́z tanysyn tonap ketken ury ustaldy

Aımaqtar • Búgin, 14:30

Ustazdardan zańsyz aqsha jınalmaý kerek

Aımaqtar • Búgin, 12:32

Muhtar Shahanov aýyryp jatyr

Qazaqstan • Búgin, 11:56

Gongkongta mektepter qaıta jabylady

Álem • Búgin, 11:10

Uqsas jańalyqtar