Oqıǵa • 29 Maýsym, 2020

Til janashyrlaryna – laıyqty qurmet

69 ret kórsetildi

Qazaqstan Respýblıkasy Prezıdentiniń 2011 jylǵy 29 maýsym kúngi №110 Jarlyǵyna sáıkes, Úkimettiń «Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasyn oryndaý jónindegi» qaýlysy negizinde Mádenıet jáne sport mınıstrligi jyl saıyn qazaq jýrnalısteri arasynda «Memlekettik til jáne BAQ» atty konkýrsty turaqty uıymdastyryp keledi.

О́tken apta sońynda atalǵan baı­qaý­dyń 2020 jylǵy qorytyndysy jarııa­lanyp, konkýrs jeńimpazdary men júldegerleri marapattaldy. Bıyl mártebeli baıqaýǵa tórt atalym boıynsha 56 jýrnalıst qatysyp, olardyń qalamynan shyqqan 116 shyǵarmashylyq jumys qazylar talqysyna usynylypty.

Osylaı úzdik dep tanylǵan jýr­na­lısterdi onlaın marapattaý sharasy kezinde qatysýshylarǵa júrek­jardy quttyqtaý sózin joldaǵan Máde­nıet jáne sport mınıstri Aqtoty Ra­ıym­qulova: «Memlekettiń jan-jaq­ty damýyna, eldiń birligine buqa­ra­lyq aqparat quraldarynyń qosar úlesi zor. Bizdiń ortaq maqsatymyz – bir-birimizdi qoldaý, birge áreket etý, eldiń, ekonomıkanyń damýy, áleýmettik salanyń gúldenýi, ómirdiń tynysh­tyǵyna, sizder, jýrnalıster qaýy­my, altyn kópir bolyp kelesizder» deı otyryp, júzden júırik shyqqan shyǵar­mashylyq ıelerine tabys tiledi.

Sonymen baıqaýdyń bas júldesi jas jýr­nalıst Dáýirjan Tólebaevqa bu­ıy­­ryp, 1 mıllıon teńge syıaqyǵa ıe boldy.

«Úzdik maqala» atalymy boıynsha: I oryn – «Egemen Qazaqstan» gazetiniń bólim meńgerýshisi Oryn­bek Pazylovqa, II oryn – «Aıqyn» respýblıkalyq qoǵamdyq-saıa­sı gazetiniń qyzmetkeri Gúlzına Bekta­sovaǵa, III oryn – «Ana tili» gazetiniń jýrnalısi Qaragóz Simádilge;

«Úzdik saıt maqalasy» atalymy boıynsha:  I oryn – «Aladop.kz» saıtynyń redaktory Ermu­hamed Máý­lenge,  II oryn – «QazAq­parat» halyq­­aralyq aqparat agenttiginiń qyzmet­keri Aıan О́ribaıǵa, III oryn – «Elorda Aqparat» saıtynyń jýrnalısi Aıan Ábdýálıge;

«Úzdik radıobaǵdarlama» atalymy boıynsha: I oryn – «Shalqar» radıo­synyń tilshisi Gúlnur Omar­han­qyzyna, II oryn – «Qazaq radıolary» JShS qyzmetkeri Aınur Sham­sheıi­tovaǵa, III oryn – «Shalqar» radıo­synyń taǵy bir tilshisi Nurmat Mansurǵa;

«Úzdik telebaǵdarlama» atalymy boıynsha: I oryn –   «Jetisý» telear­nasynyń jýrnalısi Aıbek Qutty­bekovke, II oryn – «Aksent» telear­na­synyń qyzmetkeri Janar Káshkin­baevaǵa, III oryn – «Qazaqstan» RTRK» AQ Mańǵystaý oblystyq fılıalynyń tilshisi Gúlnur Qaldybaevaǵa buıyrdy.

Joǵaryda atap ótilgen atalymdar boıynsha oryn ıelengen jýrnalısterge birinshi orynǵa – 500 myń, ekinshi orynǵa – 350 myń, úshinshi orynǵa – 150 myń teńge syıaqy berildi. 

Sharany uıymdastyryp ótkizgen Shaısultan Shaıahmetov atyndaǵy «Til-Qazyna» ulttyq ǵylymı-prak­tıkalyq ortalyǵynyń Bas dırektory, tanymal jazýshy Álibek Asqar marapattaý rásimin qorytyndylap, bul retki synǵa túsken týyndylar sapasy talap deńgeıinen shyqqanyn, ásirese jas jýrnalısterdiń til taqy­rybyn dendep zertteýi qýan­tar­lyq ekenin jetkizdi.

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

Uqsas jańalyqtar