Saıasat • 29 Maýsym, 2020

Partııa fraksııasynyń otyrysy ótti

19 ret kórsetildi

Depýtattyq korpýs pen Úkimettiń birlesken jumysy Nur Otan partııasynyń saılaýaldy baǵdarlamasynyń qajetti zańnamalyq negizin qalyptastyryp, partııanyń saılaý aldyndaǵy barlyq mindettemelerin oryndaýǵa múmkindik berdi. Bul týraly Májilistegi Nur Otan partııasy fraksııasynyń keńeıtilgen otyrysynda talqylandy, dep habarlady Májilistiń baspasóz qyzmeti.

Partııanyń «Qazaqstan-2021: Birlik. Turaqtylyq. Jasampazdyq» atty saılaýaldy baǵdarlamasynyń oryndalý barysyn talqylaý beınekonferensııa rejiminde ótti.

Jıynǵa qatysýshylar baǵdarlamany júzege asyrý barysyna aı saıyn monıtorıng júrgizip otyrý Elbasy, Nur Otan partııasynyń Tóraǵasy Nursul­tan Nazarbaevtyń alǵa qoı­ǵan tap­syr­ma­sy ekenin atap ótti. Sonymen qatar de­pýtattyq korpýs pen Úkimett­iń birlesken jumysy, qajetti zańnamalyq negiz qurý qazirgi ýaqytta partııanyń barlyq saılaý aldyndaǵy mindettemeleriniń 90%-yn oryndaýǵa múmkindik bergenine toqtaldy.

Fraksııanyń keńeıtilgen jınalysyna qatysqan Premer-Mınıstr Asqar Mamınniń aıtýynsha, qazirgi ýaqytta alda turǵan barlyq josparlanǵan is-sharalar merziminde oryndalmaq. Osy rette fraksııa músheleri saılaý aldyndaǵy min­dettemelerdi oryndaý olardyń turaqty baqylaýynda bolatynyn atap ótti.

Zań jobalary boıynsha jumys barysynda depýtattar partııanyń alǵa qoıǵan mindetterin sheshýde, eń aldymen, qajetti qarjy resýrstaryn qamtamasyz etýdiń naqty joldaryn izdestirýge basa nazar aýdardy.

Sonymen qatar Májilis depýtattary ishki naryqty otandyq ónimder­men tolyqtyryp, turǵyn úımen qamta­masyz etý, ataýly áleýmettik kómek­ti taǵaıyndaýdaǵy ashyqtyq úshin memle­kettik organdardyń aqparattyq júıe­lerin «E-Halyk» aqparattyq júıesimen biriktirýdiń merzimderin aıaqtaý syndy birqatar máseleni kóterdi.

 

Sońǵy jańalyqtar

Qazir tek ómir men ólim bar - Bas sanıtar

Koronavırýs • Búgin, 19:10

Koronavırýs indeti 3 kezeńnen turady

Koronavırýs • Búgin, 17:35

Uqsas jańalyqtar