Rýhanııat • 29 Maýsym, 2020

​​“Otandastar qory” uıymdastyrǵan olımpıadaǵa 146 qandas qatysty

26 ret kórsetildi

Bilim jáne ǵylym mınıstrliginiń "Daryn" respýblıkalyq ǵylymı-praktıkalyq ortalyǵy bıylǵy jyldyń 22-28 maýsym aralyǵynda "Otandastar qorynyń" qoldaýymen shet elderdegi qazaq dıasporasy balalaryna arnalǵan qazaq tili men ádebıeti páni boıynsha "Qazaqstan - ata jurtym, qasıetim - ana tilim" atty XVII Halyqaralyq olımpıadasyn ótkizdi, - habarlaıdy Egemen.kz.

Álemdik deńgeıde taralǵan koronavırýstyq ınfeksııa pandemııasynyń saldarynan,  jyl saıyn dástúrli túrde ótkizilip kele jatqan Olımpıada uıymdastyrý komıtetiniń sheshimi boıynsha tuńǵysh ret qashyqtyqtan ótkizilip otyr.

Olımpıada qazaq tili men ádebıetin tereń biletin qazaq dıasporasy balalarynyń arasynan daryndy oqýshylardy anyqtaýdy, olardyń ana tili men qazaq ádebıeti, qazaq halqynyń tarıhy, mádenıeti men óneri jónindegi tanymdyq qabiletterin arttyrýdy, álemniń ár elinde turatyn qazaq jastary arasynda dostyq baılanystyń ornaýyna yqpal etýdi, sondaı-aq qazaq dıasporasy ókilderi arasynda qazaq tilin meńgerýdiń mańyzdylyǵyn arttyrýdy kózdeıdi.

Qatysýshylardyń sany boıynsha bıylǵy Olımpıada rekordtyq kórsetkishke ıe. Eń kóp qatysýshy О́zbekstan Respýblıkasynan bolsa, Belgııa elinen oqýshylar tuńǵysh ret qatysýda.

Reseı,  Qytaı, Iran, Qyrǵyzstan, Monǵolııa, О́zbekstan, Túrkimenstan men Túrkııa elderinen oqýshylar jyl saıyn dástúrli túrde Olımpıadaǵa qatysyp, olardyń ishinen eń bilimpazdary jeńimpaz atanyp, elimizdiń joǵarǵy oqý oryndarynda bilimderin jalǵastyrýda, al olardyń alǵy býyny elimizde eńbek etip qyzmet jasap jatyr. Bıylǵy olımpıadaǵa qatysqan oqýshylardyń jalpy sany 146 qatysýshy.

Olımpıada qorytyndysy boıynsha jeńimpazdar men júldegerler QR Bilim jáne ǵylym mınıstriniń  I, II, III dárejeli dıplomdarymen qosa baǵaly syılyqtarmen marapattalady.

Budan bólek, jaqsy nátıjeler kórsetken qatysýshylarǵa "Daryn" respýblıkalyq ǵylymı-praktıkalyq ortalyǵynyń túrli nomınasııalar boıynsha taǵaıyndalǵan dıplomdary men arnaıy syılyqtary beriledi, sondaı-aq "Otandastar qorynyń" syılyqtary tabystalady. Olımpıadanyń barlyq qatysýshylaryna sertıfıkat beriledi.

Sońǵy jańalyqtar

Tutynýshylyq nesıe naryǵy toqtap qaldy

Ekonomıka • Búgin, 13:30

Abaıdy tanytqan abyz tulǵa

Qazaqstan • Búgin, 12:47

El júregi – elorda

Aımaqtar • Búgin, 11:53

Almaty mańynda jer silkindi

Aımaqtar • Keshe

Uqsas jańalyqtar