О́zen kóligi jumysynyń qaýipsizdigi men tıimdiligi keme qatynasyna jasalǵan jaǵdaıǵa tikeleı baılanysty.
Keme qatynasy qaýipsizdigin qamtamasyz etý boıynsha jol jumystaryn jáne basqa da is-sharalardy "Qazaqstan sý joldary" RMQK júrgizedi.
Bıylǵy qańtar-sáýir aılarynda kásiporyn kemeler men keme qatynasy jaǵdaıy belgilerin navıgasııalyq kezeńge daıyndaý jumystaryn jasady. Keme qatynasy ýchaskeleri boıynsha navıgasııanyń ashylýy memlekettik tapsyryspen belgilengen merzimde - sáýir-mamyr aılarynda júrgizildi.
Ertis ózeni sý qoımalary Joǵarǵy Ertis kaskady deńgeıleri arasynda kemelerdiń erkin ótýi keme júzetin úsh shlıýz arqyly qamtamasyz etiledi: О́skemen (1-kameraly, qysym frontynyń bıiktigi 42 m), Buqtyrma (4-kameraly, qysym frontynyń bıiktigi 69 m) jáne Shúlbi (1-kameraly, qysym frontynyń bıiktigi 29 m), GES bógetterimen teń 50 km3 sý ustap turady.
Shlıýzderdiń apatsyz jumysyn qamtamasyz etý úshin 2020-2025 jyldarǵa arnalǵan "Nurly jol" memlekettik baǵdarlamasy aıasynda olarǵa kúrdeli jóndeý júrgizý kózdelgen. Bıyl osy maqsatqa bólingen 1,9 mlrd. teńgeniń 52 % ıgerildi.
Aǵymdaǵy jyldyń 1 maýsymyna ózen kóligimen tasymaldaý kólemi shamamen 153 myń tonnany qurady. Bul ótken jyldyń tıisti kezeńimen salystyrǵanda +7,8% kóp.
