Bir jyl ishinde bul kórsetkish 5,8 paıyz qysqardy, al jastar arasyndaǵy jumyssyzdyq deńgeıi 3,8 paıyzǵa deıin azaıdy (bir jyl buryn – 3,9%).
Sonymen qatar, 15-28 jas aralyǵyndaǵy jastardyń basym bóligi Almatyda (15,7 myń adam), Almaty oblysynda (7,7 myń adam) jáne Túrkistan oblysynda (6,4 myń adam) jumys izdeýde. О́z kezeginde 15-28 jas aralyǵyndaǵy jumyspen qamtylǵan jastardyń sany 2020 jyldyń birinshi toqsanynda 2 mln adamdy qurady, bul ótken jyldyń sáıkes kezeńimen (2,1 mln adam) salystyrǵanda 3,2% qysqardy. Ásirese, Jambyl (−22,4%), Shyǵys Qazaqstan (−13,9%) jáne Aqtóbe (−11,3%) oblystarynda azaıǵan.
Jalpy jumyspen qamtylǵan jastardyń eń kóp sany Almaty oblysynda – 247,7 myń adam. Sonymen qatar, alǵashqy úshtikke Almaty (245,8 myń adam) jáne Túrkistan oblysy (175,5 myń adam) endi.
Jumyspen qamtylǵan jastardyń kóp bóligi saýda (365,9 myń adam nemese jalpy sannyń 18,1%), aýyl sharýashylyǵy, orman jáne balyq sharýashylyǵy (241,9 myń adam nemese 12%) jáne bilim berý (232,7 myń adam nemese 11,5%) sııaqty salalarda belsendi jumys isteıdi.
