Aımaqtar • 29 Maýsym, 2020

Pavlodar oblysynda koronavırýs juqtyrǵandar sany 700-den asty

55 ret kórsetildi

Oblystyq taýarlar men kórsetiletin qyzmetterdiń sapasy men qaýipsizdigin baqylaý departamentiniń málimdeýinshe, COVID-19 1962 jáne 1995 jyldary aralyǵynda týǵan 13 er adamda, alty jastaǵy ul balada, sondaı-aq 1942 jáne 1996 jyldary aralyǵynda týǵan 21 áıel adamda anyqtaldy, - dep habarlaıdy Egemen.kz.

Naýqastardyń 34-i - Pavlodar qalasynyń, bireý - Ekibastuz qalasynyń turǵyny.

15 pasıent buǵan deıin anyqtalǵan KVI jaǵdaıymen baılanysta bolǵandyqtan tekseristen ótken.

"Olardyń dene qyzýy kóterilip, murynnyń bitýi, tamaqtyń qyryly, jótel, álsizdik belgileri anyqtaldy. PTR-zertteý barlyq jaǵdaıda COVID-19-dy anyqtalǵannan keıin Pavlodar jáne Ekibastuz qalalarynyń ınfeksııalyq stasıonaryna jatqyzyldy. Jaǵdaılary birqalypty. Hattamaǵa sáıkes em taǵaıyndaldy", - deıdi departamentte.

Baılanysta bolýy múmkin adamdar toby anyqtaldy. USO fılıaly mamandarynyń kúshimen oshaqtarda qorytyndy dezınfeksııa júrgizildi.

О́ńirde epıdemııaǵa qarsy sharalar jalǵasyp jatyr.

Búgingi kúni, 29 maýsymdaǵy jaǵdaı boıynsha Pavlodar oblysynda koronavırýs ınfeksııasymen aýyrǵan 709 jaǵdaı tirkelgen.

Sońǵy jańalyqtar

Uqsas jańalyqtar