Úkimet • 29 Maýsym, 2020

Halyq radıkaldy aǵymdarǵa qarsy ımmýnıtet qalyptastyrý kerek - Aıda Balaeva

53 ret kórsetildi

Búgin 29 maýsym kúni Aqparat jáne qoǵamdyq damý mınıstri Aıda Balaeva halyqqa esep berý kezdesýin ótkizdi. Kezdesý barysynda din salasyndaǵy qordalanǵan máselelerdiń sheshimin taýyp, qoǵamda beleń alǵan radıkaldy toptardy der kezinde buǵattaýdy kún tártibine qoıdy, dep jazady Egemen.kz

"Bul baǵytta bizdiń aldymyzda 3 ózara baılanysty mindet tur. Birinshisi – halyq arasyna zaıyrly memleket qundylyqtaryn nasıhattaý, ekinshisi – dinaralyq kelisimdi saqtaý, úshinshisi – dinı ekstremızmdi boldyrmaý. Al endi osylardy iske asyrý úshin kelesi baǵyttarda jumys istep kelemiz. Bul – aqparattyq-túsindirý jumystary, destrýktıvti dinı kózqarastaǵy azamattardy raıynan qaıtarý jáne ınternet arqyly dinı ekstremızm ıdeologııasyna qarsy jumystar", deıdi Aıda Balaeva.

Mınıstrdiń aıtýynsha, ótken 2019 jyly aqparattyq-túsindirý toptarynyń kúshimen 3 mıllıondaı adamdy qamtyǵan 50 myńnan astam is-shara ótken. Din salasyndaǵy problemalyq suraqtarǵa jedel jaýap berý maqsatynda 300 adamnan turatyn bilikti lektorlar pýly qurylǵan.

Sonymen birge Aıda Balaeva: "Kórip otyrsyzdar, jumys óte tıimdi. Sondyqtan da, osy jyly biz bul toptardaǵy mamandardyń sanyn 500-ge deıin arttyryp, 1200 lektorlardy qaıta daıarlyqtan ótkizýdi josparlap otyrmyz", deıdi mınıstr.

"Budan bólek, "Jýsan" operasııasynyń nátıjesinde elge oralǵan 163 áıel-azamatshalarymyzben maqsatty túrde jumys júrgizgenniń arqasynda 144 áıel radıkaldy oılarynan qaıtyp, olardyń birazy zaıyrly ómir saltyna ótti. Árıne, máseleniń saldarymen emes sebebimen kúresý kerek. Sondyqtan da, 2019 jyly 5300-den asa ınternet-resýrstary saraptalyp, onyń 3200-nen zańǵa qaıshy materıaldar anyqtaldy. Olardyń barlyǵy der kezinde buǵattaldy", deıdi Aıda Balaeva.

Din máselesindegi naqty oılarynyń biri – halyqtyń radıkaldy aǵymdarǵa qarsy ımmýnıtetin qalyptastyryp, eldegi dinaralyq qaqtyǵystardyń aldyn alý bolyp tabylatyndyǵyn aıtyp ótti.

Sońǵy jańalyqtar

Atyraýda bir kúnde 2 adam sýǵa batty

Aımaqtar • Búgin, 19:10

Atyraýda óńirlik jedel shtab quryldy

Aımaqtar • Búgin, 16:20

Dorbalasa dári tapshylyǵy joıylmaıdy

Aımaqtar • Búgin, 16:07

COVID-19: Hattamaǵa ózgeris qajet pe?

Qazaqstan • Búgin, 09:25

Uqsas jańalyqtar